لیکن عبادتوں میں بھٹکنا نہیں گیا: tarahi kalam
ba huzoor e Imam Aali Maqam
syed Iqbal Rizvi sharib
لگتا ہے یوں کہ عقل پہ پرکھا نہیں گیا
قرآں کو رٹ لیا گیا سوچا نہیں گیا
ہوتا نہ پھر طلاقِ ثلاثہ میں کوئی پیچ
سچ یہ ہے آیتوں کو سنبھالا نہیں گیا
قرآں کی نص سے چیزیں جو واضح تھیں دوستوں
ان پر بھی اختلاف ہمارا نہیں گیا
جو معترض ہے اب بھی عزائے حسین کا
اس تک تو دینِ حق کا اجالا نہیں گیا
معتوب ہی رہا وہ فرشتہ تمام عمْر
جب تک درِ حسین پہ لایا نہیں گیا
حر آ گیا ادھر سے ادھر حق کی جیت ہے
باطل کی سمت ایک بھی بندا نہیں گیا
دنیا میں اسکی خواہشِ فردوس رہ گئی
"جو شخص کربلائے معلیٰ نہیں گیا"
شارب نمازیں پڑھتے ہوئے عمر ہو چلی
لیکن عبادتوں میں بھٹکنا نہیں گیا
|