حَسَن نے اپنے قلم کو ہی ذوَ الفقار کیا
بہ حضور امام حسن ع
(سید اقبال رضوی شراب )
حَسَن کو حسنِ ازل کا جو شاہکار کیا
سلام یوسفِ کنعاں نے بار بار کیا
رموزِ سورۂ کوثر سے ہمکنار کیا
حسن نے نانا کی عظمت کو ذی وقار کیا
وہ طرزِ کار امامت نے اختیار کیا
امیرِ ظلم کے مقصد کو تار تار کیا
حَسَنْ کی صلح تھی صلحِ حدیبیہ کی طرح
کہ جس نے کفر کے چہرے کو آشکار کیا
علی کے گھر کے چراغوں کی کیا ثناء کیجے
نثار جو بھی کیا حق پہ شاہکار کیا
پڑا ہے وقت کبھی جب بھی دینِ افضل پر
خدا نے آلِ محمّد پہ اعتبار کیا
بلند کرتے گئے اہل بیت اسکا وقار
یزید یوں نے تو بس دیں کو شرمسار کیا
دروغ گوئی ہوئی عام جب سرِ منبر
حَسَن نے اپنے قلم کو ہی ذوَ الفقار کیا
جو بات آئی ہو تبلیغ سورۂ توبہ
خدا نے حیدرِ صفدر پہ انحصار کیا
بڑا کرم ہے غلامِ علی میں اے معبود
جو تونے شاربِ أدنى کو بھی شمار کیا
|