اب چونکہ میری آس فقط لامکاں سے ہے
سلام
(سید اقبال رضوی شارب)
محرومیِ وصال پھر اک سائباں سے ہے
لو اب امامِ عسکری رخصت جہاں سے ہے
اب چونکہ میری آس فقط لامکاں سے ہے
مجھکو نہ کوئی لطف کسی ارمغاں سے ہے
دنیا سمجھ رہی ہے کوئی بارہ واں نہیں
کشتیِ دیں کو آس اسی بادباں سے ہے
عترت بغیر مل نہیں سکتے قران و حق
فہمِ مقطعات بس اس آستاں سے ہے
کُل مذہبی فساد و شرارت کی سوجھ بوجھ
بالغ جو ہو نہ پائے انہیں بالغاں سے ہے
تونے تو مسخ کر ہی دیا تھا امیرِ شام
قائم ہے جو اذان وہ طوقِ گراں سے ہے
تنویرِ حق جو پھیل رہی ہے جہان میں
بارہ ستاروں والی کسی کہکشاں سے ہے
ظالم نے جن کو قیدی بنا کر چھپایا ظلم
تشہیرِ ظلم اب تو اسی کارواں سے ہے
اک نا تواں کے پاؤں کے چھالوں کا ہے کرم
شارب حیات کچھ تو رہِ زاہداں پہ ہے
|