"Mein Nahe Manta"


deep jis mahallaat hee meN jalay
chand logoN ki khushyoN ko le ker chalay
woh jo saaye meN her maslihat ke palay
aise dastoor ko subh-e-benoor ko
meN nahiN manta meN nahiN maanta
meN bhi khaaif nahiN takhta-e-daar se
meN bhi mansoor huN keh do aghyaar se
kyuN daraatay ho zindaaN ki deevaar se
zulm ki baat ko johl ki raat ko
meN nahiN maanta meN nahiN manta
phool shakhon pe khilne lagay tum kaho
jaam rindoN ko milne lagay tum kaho
chaak seenoN ke silne lagay tum kaho
is khulay jhoot ko zahn ki loot ko
meN nahin maanta men nahiN maanta
tum ne loota he sadyon hamara sukooN
ab na hum per chale ga tumhara fasooN
charagar meN tumheN kis tarah se kahooN
tum nahiN charagar koi maane magar
meN nahiN maanta meN nahiN maanta

(Habib Jalib)

__________________
"Who do many calculations are victorious"