لا پھر اک بار وہي بادہ و جام اے ساقي
ہاتھ آ جائے مجھے ميرا مقام اے ساقي!
تين سو سال سے ہيں ہند کے ميخانے بند
اب مناسب ہے ترا فيض ہو عام اے ساقي
مري مينائے غزل ميں تھي ذرا سي باقي
شيخ کہتا ہے کہ ہے يہ بھي حرام اے ساقي
شير مردوں سے ہوا بيشہء تحقيق تہي
رہ گئے صوفي و ملا کے غلام اے ساقي
عشق کي تيغ جگردار اڑا لي کس نے
علم کے ہاتھ ميں خالي ہے نيام اے ساقي
سينہ روشن ہو تو ہے سوز سخن عين حيات
ہو نہ روشن ، تو سخن مرگ دوام اے ساقي
تو مري رات کو مہتاب سے محروم نہ رکھ
ترے پيمانے ميں ہے ماہ تمام اے ساقي

__________________
Unless you see the cause of 'Seen' in something that transcends the 'Seen', you will never get to truth.