ghulami kia hay? zoq-e-husn-o-zebai say mehroomi
jisay zeba kahein azad banday, hay wohi zeba
barosa kar nahin saktay ghulamo ki baseerat par
k dunia mein faqat mardan-e-hur ki annkhh hay beena
wohi hay sahib-e-amroz jis nay apni himmat say
zamanay k samandar say nikala gohar-e-farda
farangi sheesha gar k fun say pathhar ho gaey pani
meri ikseer nay sheeshay ko bakhshi sakhti-e-khara
rahay hein aur hein Fir-on meri gaat mein ab tak
magar kia gham k meri aastee-n mein hay yad-e-bai-za
wo chingari khas-o-khashaak say kis tara-h dab jaey
jisay Haq nay kia ho nais-taa-n k wastay peda
muhabbat kha-wesh-tan beeni, muhabbat kha-wesh-tan dari
muhabbat aastan-e-Qaisar-o-Kisra say bay parwah
wo Dana-e-subul Khat-m-ur-Rusul Maula-e-Kul jis nay
gubar-e-raah ko bakhsha farogh-e-wadi-e-seena
Last edited by marwatone; Saturday, January 01, 2011 at 02:53 AM.
Reason: Posts merged.
|