shar-h-e-firaq, mad-h-e-lab mushk boo karein
gurbat kaday mein kis say teri guftugoo karein



yaar aashna na koi, takraein kis say jaam
kis dil ruba k naam pay khali saboo karein






seenay pay haathh hay na nazar ko talash-e-baam
dil sath day to aaj gham-e-aarzoo karein






kab tak sunay gi raat, kahan tak sunaein ham
shikway gilay sab aaj teray roobaroo karein







hamdam hadees-e-koo-e-malamat sunaio
dil ko lahoo karein k gareeba-n rafoo karein






aashufta sir hein muhtasibo, moo-n-h na aa-e-o
sir bech dein to fikr-e-dil-o-jaa-n adoo karein







tar damani pay Shaikh hamari na ja-e-o
daaman nichod dein to Farishtay wazoo karein








shayed kabhi afsha ho nigaho pay tumhari
har saada waraq jis sukhn-e-kushta say khoo-n hay






shayed kabhi iss geet ka parcham ho sarfaraaz
jo aamad-e-sabr sabar ki tamanna mein nigoo hay








shayed kabhi iss dil ki koi rang tumhein chubh jaey
jo sung-e-sar-e-raah ki ma-nind zuboo-n hay







ham parwarish-e-Loh-o-Qalam kartay rahein gay
jo dil pay guzarti hay raqam kartay rahein gay







asbab-e-gham-e-ishq baham kartay rahein gay
weerani-e-dora-n pay reham kartay rahein gay







haan talkhi-e-ayyam abhi aur bar-hay gi
haan ehl-e-sitam mush-k-e-sitam kartay rahein gay







manzoor yeh talkhi yeh sitam ham ko gawara
dam hay to madawa-e-alam kartay rahein gay







may khana salamat hay to surkhi-e-may say
taz-ee-n-e-ra-o-baam-e-haram kartay rahein gay







baqi hay lahoo dil mein to har ashk say peda
rung-e-lab-o-rukhsaar-e-sanam kartay rahein gay







ik tarz-e-taghaful hay so unn ko mubarak
ik arz-e-tamanna hay so ham kartay rahein gay




Teri aankhho k siwa dunia mein rakhha kia hay



chand roz aur meri jaan, faqat chand he roz
zulm ki chhao-n mein dam lenay pay majboor hein ham







aur kuchh der sitam seh lein,tarap lein, ro lein
apnay ajdaad ki meeras hay, maazoor hein ham







jism par qed hay, jazbat pay zanjeerein hein
fikr-e-mahboob hay, guftar pay ta-zee-rein hein







apni himmat hay k ham phhir b jiay jatay hein
zindagi kia kisi muflis ki quba hay jis mein







har gar-hi dard k pewand lagay jatay hein
lekin ab zulm ki me-aad k din thho-ray hein







ik zara sabr ki fariyad k din thho-=ray hein






arsa-e-dahr ki jhulsi hui weerani mein
ham ko rehna hay, par yunhi to nahin rehna hay






ajnabi hatho ka bay naam gar-am-bar-e-sitam
aaj sehna hay, hamesha to nahin sehna hay







yeh teray husn say lipti hui aalam ki gard
apni do-roza jawani ki shikasto ka shumaar







chand-ni raato ka be-kar dehakta hua dard
dil ki be-sood tarap, jism ki mayoos pukaar







chand roz aur meri jaan, faqat chand he roz








bol k lab azad hein teray
bol, zuban ab tak teri hay








tera sitwa-n jism hay tera
bol k jaan ab tak teri hay






dekhh k aahan gar ki duka-n mein
tund hein sholay, sur-kh hay aahan






khhulnay lagay quflo k dahanay
phhela har ik zanjeer ka daman








bol yeh thhora waqt bohat hay
jism-o-zuban ki mot say pehlay








bol k sach zinda hay ab tak
bol jo kuchh kehna hay keh lay






bedam huey beemar dawa kiun nahin detay
tum achhay maseeha ho shifa kiun nahin detay







dard-e-shab-e-hijra-n ki jaza kiun nahin detay
khoon-e-dil-e-wehshi ka sila kiun nahin detay







haan nuqta waro lao lab-o-dil ki gawahi
haan naghma gharosaaz-e-sada kiun nahin detay







peman-e-junoo hathho ko sharmaey ga kab tak
dil walo, gareeban ka pata kiun nahin detay







barbadi-e-dil jabr nahin Faiz kisi ka
wo dushman-e-jaan hay to bhula kiun nahin detay







hein labrez aaho-n say thhandi hawaein
udasi mein doobi hui hein gataein








muhabbat ki dunia pay shaam aa chuki hay
siyah posh hein zindagi ki fizaein






machalti hein seenay mein laakhh arzooein
tarapti hein aankhho mein laakhh iltijaein







taghaful ki aaghosh mein so rahay hein
tumharay sitam aur meri wafaein








magar phhir b aey meray maasoom qatil
tumhein piyar karti hein meri duaein







teergi hay k umadti he chali aati hay
shab ki rag rag say lahoo phhoot raha ho jaisay







chal rahi hay kuchh iss andaaz say nabz-e-hasti
dono alam ka nasha toot raha ho jaisay








Raat ka garm lahoo aur b beh janay do
yehi tareeki to hay ghaza-e-rukhsaar-e-sehar







subh honay he ko hay aey dil-e-be-taab thhehar
abhi zanjeer chhanakti hay pas-e-parda-e-saaz







mutliq-ul-hukm hay sheeraza-e-asbab abhi
saghar-e-naab mein aansoo b dhalak jatay hein








laghzish-e-pa mein hay pabandi-e-aadab abhi
apnay deewano ko deewana to ban lenay do








jald yeh sitwat-e-asbab b uthh jaey gi
yeh giran bari-e-aadab b uthh jaey gi







khawah zanjeer chhanakti he, chhanakti he rahay





aaj raat saz-e-dard na chher
dukhh say bharpoor din tamam huey







aur kal ki khabar kisay maloom?