yeh dagh dagh ujala, yeh shab gureeda sehar
wo intizar tha jis ka yeh wo sehar to nahin

------

yeh wo sehar to nahin jis ki aarzoo lay kar
chalay thay yaar k mil jaey gi kahin na kahin

------

falak k dasht mein taro ki aakhri manzil
kahin to ho ga shab-e-sust-e-mauj ka sahil

------

kahin to rukay ga safina-e-gham-e-dil
jawa-n lahoo ki pur-israr shah-raho-n say

------

chalay jo yaar to daman pay kitnay haath paray
diyar-e-husn ki bay-sabr khawab gaho-n say

------

pukarti rahi bahein, badan chillatay rahay
bohat azeez thi lekin sehar ki lagan

------

bohat qaree-n tha haseenan-e-noor ka daman
subak subak thi tamanna, dabi dabisee thakan

------

suna hay ho b chuka hay firaq-e-zulmat-o-noor
suna hay ho b chuka hay wisal-e-manzil-o-gaam

------

badal chuka hay bohat ehl-e-dard ka sotar
nishat-e-wasl halaal-o-azaab-e-hijr haraam

------

jigar ki aag, nazar ki umang, dil ki jalan
kisi pay chara-e-hijra-n ka kuchh asar he nahin

------

kahan say aai nigar-e-saba, kidar ko gai????

------

abhi charagh-e-sar-e-rah ko kuchh khabar he nahin
abhi girani-e-shab mein kami nahin aai

------

nijat-e-deeda-o-dil ki garhi nahin aai
chalay chalo k wo manzil abhi nahin aai

------

ab wohi harf-e-junoo-n sab ki zuba-n thehri hay
jo b chal nikli hay wo baat kahan thehri hay

------


aaj tak Shaikh k ikram mein jo shay thi haraam
ab wohi dushman-e-deen, rahat-e-jaa-n thehri hay

------

hay khabar garm k phhirta hay gureza-n naseh
guftagoo aaj sar-e-koo-e-buta-n thehri hay

------

hay wohi aariz-e-laila, wohi sheeree-n ka dahan
nigha-e-shauq garhi bhar ko jahan thehri hay

------

wasl ki shab thi to kis darja subak guzri thi
hijr ki shab hay to kia sakht gira-n thehri hay

------

bikhhri ikk baar hay to haathh aai hay kab mauj-e-shameem
dil say nikli hay to kab lab pay figha-n thehri hay

------

dast-esayyad b aajiz hay, kaf-e-gul-chhee-n b
boo-e-gul thehri na bulbul ki zuba-n thehri hay

------

aatay aatay yunhi dam bhar ko ruki ho gi bahar
jatay jatay yunhi pal bhar ko khiza-n thehri hay

------

ham nay jo tarz-e-fugha-n ki hay qafas mein eejaad
Faiz gulshan mein wohi tarz-e-baya-n thehri hay