نثار کهڙو سڀاڻي ميرپورخاص ۾ 800-استادن جا آرڊر ورهائيندو:ٿر جا 24 اميدوار آئوٽ

مٺي (ن ڪ) تعليم وارو صوبائي وزير نثار احمد کهڙو ميرپورخاص ڊويزن جي چئني ضلعن ٿرپارڪر، ميرپورخاص، عمرڪوٽ ۽ سانگهڙ جي هڪ سال اڳ ٽيسٽ پاس ڪندڙ 800 جي ايس ٽي اميدوارن کي سڀاڻي 19 فيبروري تي ميرپورخاص ۾ نوڪرين جا آفر آرڊر ورهائيندو، مليل ڄاڻ موجب ٿرپارڪر ضلعي جي 275 استادن کي جي ايس ٽي آرڊر ڏنا ويندا، هوڏانهن ٿرپارڪر ضلعي جي 24 جي ايس ٽي ٽيسٽ پاس ڪندڙ استادن جي رزلٽ آر ايس يو طرفان روڪي وئي آهي، چيو وڃي ٿو ته ڄاڻايل اميدوارن کي نوڪرين جا آفر آرڊر ملي نه سگهندا، جڏهن ته ميرٽ تي ٽيسٽ پاس ڪندڙ انهن اميدوارن جي رزلٽ روڪڻ جو به جواز نه ڄاڻايو ويو آهي.