Issi Dil nu Murshid Jaan liya
کسے ملیاں پیر فقیراں نوں
کسے لبهیاں ایتهے ہیراں نوں
کسے رو رو سچے رب اگے
لیا معاف کرا تکسیراں نوں
کوئی نکرے لگ کے بیٹهہ ریا
پا عشق دیاں زنجیراں نوں
کوئی سسی دا کوئی ہونی دا
کوئی عاشق لیلی سوہنی دا
کوئی طالب چنگی شہرت دا
کوئی سجن بوہتی دولت دا
اسی مالک پٹهے شوقاں دے
اسی ویری سارے لوکاں دے
سروں لا کے فکراں سوچاں نوں
اک دل نوں اپنے نال لیا
اسی وکهڑے سفر وی وکهڑا سی
اسی رستہ وکهڑا ٹال لیا
اسی حرس ہوا نوں چهڈ دیتا
جیہڑا شوق سی دل وچ نفیاں دا
اوس شوق نوں دل وچوں کڈ دیتا
اسی خوشیاں بدلے سوگ لئے
ساڈی نکی عمرے ہمت اے
اسی عمروں وڈے روگ لئے
اسی نفیاں تے نقصاناں چوں
من مرضی نال نقصان لیا
ساڈے پاگل پن دی حد ویکهو
اسی دل نوں مرشد جان لیا
اسی دل ہتهوں مجبور ہوئے
اسی دل دے اگے ہار گئے
اے ساری دل دی کرنی اے
سب شیار گئے اعتبار گئے
اسی ارلے کنڈے پهرنےآں
سب سجن پرلے پار گئے
نہ تپ ویکهی ناں چهاں ویکهی
نہ ماڑی چنگی تهاں ویکهی
ساڈی عقل سیاپا سو کیتا
اسی عقل دی اک وی نہ منی
جو دل چایا اسی او کیتا
اسی سر نوں سٹ کے ٹردے رئے
سدا دل دے آکهے لگدے رئے
اسی کهوئے جوتے ٹهکدے ساں
اسی اکهیاں میٹ کے وگدے رئے
ساڈے پاگل پن دی حد ویکهو
اسی دل نوں مرشد جان لیا
اسی دل دے آکهے لگدے رئے
__________________
To succeed,look at things not as they are,but as they can be.:)
Last edited by Amna; Tuesday, May 13, 2014 at 12:18 AM.
|