Hum Dekhain Gay
Lazim Hai ke hum Bhi Dekhain Gay
Woh Din ke Jis ka Wadah Hai
Jo Loh-e-Azl pe Likha hai
Hum Dekhain Gay
Jab Zulm-o-Sitam ke Koh-e-garaan
Ruii ki Tarah Urd Jain Gay
Hum Mehkumoon ke Paun Talay
Yeh Dharti Dhard Dhard Dhardkay gi
Aur Ehl-e-Hukum ke Sar Uper
Jab Bijli kard Kard Kardke gi
Hum Dekhain Gay
Jab Arz-e-Khuda ke kabay se
Sab but Uthwaaiy Jain gay
Hum Ehl-e-Safa Mardood-e-Haram
Masnad pe Bithaaiy jain gay
Sab Taaj Uchalay jain gay
Sab Takht Giraaiy Jain gay
Bas Naam rahay Ga Allah ka
Jo Ghayab Bhi hai Hazir Bhi
Jo manzar bhi hai nazir bhi
Uthay ga Analhaq ka Naara
Jo Main bhi Hun aur Tumbhi ho
Aur Raaj karay gi khalq-e-Khuda
Jo main bhi hun aur tum bhi ho
Hum Dekhain Gay
Lazim Hai ke hum Bhi Dekhain Gay
Hum Dekhain Gay
__________________
If your actions inspire others to dream more, learn more,
do more and become more, you are a leader
MCS Final Year (Karachi University)
|