lijeay tou phir nazm hazir-e-khidmat hai, kesi lagi raae zarur dain :)
Sarma ki pehli raat:
Sarma ki wo pehli raat,
Or raat me pheli khaamoshi,
Khamoshi ki goud me,
Chadar orh k leti sargoshi..
Sargoshi ki oat se,
Chhup kr dekhti hai koi awaz
Sargoshi ko san’natay me rokti hai koi awaz….
Dil ki dharkan cheekhti hai, chillati hai,
Jhanjhlati hai,
Sannatay k saaz me phir
Apni awaz milati hai…
Gham ka darya thatain marta behta hai,
Charh jata hai,
Us k shor me sab kuch phir,
Bin kahay sunay, beh jata hai...