|
Poetry & Literature Post QUOTATIONS and POETRY here that can be used while preparing notes. |
Share Thread: Facebook Twitter Google+ |
|
LinkBack | Thread Tools | Search this Thread |
#1
|
||||
|
||||
Ye Bacha Kaisa Bacha Hai
Ye bacha kaisa bacha hai Ye Bacha Kala kala sa Ye kala sa matiyala sa Ye bacha bhuka bhuka sa Ye bacha sukha sukha sa Ye bacha kis ka bacha hai Ye bacha kesa bacha hai Jo rait per tanhaa beitha hai Na is ke pait men roti hai Na is ke tann pr kapra hai Na is ke sar per topi hai Na is ke pair men joota hai Na is ke paas khilaunon mein Koi bhaalu ha koi ghoora hai Na is ka jee behlaney ko Koi loree ha, koi jhula hai Na is ki jeb men dehla hai Na is ke haath men paisa hai Na is ke ammi abbu hain Na is ki aapa khala hai Ye saare jag men tanha hai Ye bacha kesa bacha hai Ye sahra keisa sehra hai Na is sahra men badal hain Na is sahra men barkha hai Na is sahra men baali hai Na is sahra men khoo’sha hai Na is sahra men sabza hai Na is sahra men saaya hai Ye sahra bhuk ka sehra hai Ye sahra mout ka sehra hai Ye bacha kesey beitha hai Ye bacha kab se beitha hai Ye bacha kya kuch puchhta hai Ye duniya kesi duniya hai Ye duniya kis ki duniya hai Is dunya ke kuch tukroon main Kahin phool khiley kahin sabza hai Kahin baadal ghir ghir aatey hain Kahin chashma hai, kehin darya hai Kahin oonchey mahl atariyaan hain Kahin mehfil ha, kahin mela hai Kahin kapron ke bazaar sajey Ye resham ha, ye diiba hai Kahin ghallay ke ambar lagye Kahin gehoon dhaan muhayaa hai Kahin doulat ke sanduq bharey Haan taanba, sona , rupyaa hai Tum jo mango so hazir hai Tum jo chaho wo milta hai Is bhuuk ke dukh ki duniya men Ye kesa sukh ka sapna hai Wo kis dharti ke tukrey hain Ye kis duniya ka hissa hai Hum jis adam ke baitey hain Ye us adam ka beita hai Ye adam aik hi adam hai Wo gora ha ya kaala hai Ye dharti aik hi dharti ha Ye duniya aik hi duniya hai Sab ik daata ke bandey hain Sab bandon ka ik daata hai Kuch purab pachchham fark nahin Is dharti par haqq sab ka hai Ye tanha bacha be-chara Ye bacha jo yahan beitha hai Is bachey ki kahin bhook mitey (Kya mushkil ha, ho sakta hai) Is bachey ko kahin doodh miley (Haan doodh yahan behteraa hai) Is bache ka koi tann dhankey (Kya kapron ka yahan torra hai?) Is bache ko koi godh men ley (Insan ju ab tak zinda hai) Phir dekhiye keisa bacha hai Ye kitna pyara bacha hai Is jag mein sab kuch sab ka hai Jo rabb ka hai wo sab ka hai Sab apney hein koee ghair nahi Har cheez mein sab ka saajha hai Jo barrtaa ha jo ugtaa hai Wo daana ha yaa mewa hai Jo kapra ha jo kambal hai Jo chandi ha jo sona hai Wo sara ha iis bachey ka Jo tera hai jo mera hai Ye bacha kis ka bacha hai Ye bacha sab ka bacha hai |
The Following 4 Users Say Thank You to Amna For This Useful Post: | ||
Aliusefull (Monday, September 25, 2017), azmatullah (Friday, August 11, 2017), bazmejanaan (Thursday, October 15, 2020), fatima 789 (Monday, January 16, 2017) |
#2
|
|||
|
|||
Amna yeh kiska likha hua hai?
Sent from my KIW-L21 using Tapatalk |
#3
|
|||
|
|||
Good 1. Who is poet?
|
|
|
Similar Threads | ||||
Thread | Thread Starter | Forum | Replies | Last Post |
‘Kalim’ haal to apnaa sunaao kaisa hai? | unsolved_Mystery | Urdu Poetry | 0 | Friday, July 29, 2011 11:53 PM |
Ae Moj-e-hawa ab tu hi bata, wo dost hamara kaisa hay | qayym | Urdu Poetry | 0 | Wednesday, April 30, 2008 11:29 PM |
hijr key mausam main, yeh barish ka barasna kaisa | Wounded Healer | Urdu Poetry | 0 | Friday, July 13, 2007 04:01 AM |
Tum nay ye kaisa raabta rakha | sweet_Alina | Urdu Poetry | 0 | Tuesday, June 19, 2007 01:18 AM |
kaisa luggey ga | rubab umer khan | Urdu Poetry | 0 | Sunday, March 04, 2007 03:36 AM |