ibn e dam hun ....

[alphabravo]

PAHLE DIN SE (Syed Iqbal Rizvi Sharib)

ibne adam hun gunahgar hun pahle din se
aur shafaat ka talabgar hun pahle din se

main k ek hasrat e deedar hun pahle din se
teri ulfat mein giraftar hun pahle din se

mujhko sehat se yh beemari bhali hai maula
main tere ishq mein beemar hun pahle din se

tu ne de de k sahara mujhe baqui rakkha
warna girti huee deewar hun pahle din se

tum to waqif ho mere zaahir o baatin kya hain
ba khuda Shah ka azaadar hun pahle din se

shukr e Khaliq bhi hai , maan baap ka mamnoon bhi hun
aap ka main jo tarafdar hun pahle din se

dast bastah yh guzaarish hai k jaldi aaoo
jaan hatheli p , main tayyar hun pahle din se

rakh na payee mujhe ghaflat mein yh duniya sharib
tuhj se nisbat hai to bedar hun pahle din se.