ربا سچیا توں تے آکھیا سی
 

[size="5"]
ربا سچیا توں تے آکھیا سی
جاہ اوئے بندیا جگ دا شاہ ہیں توں
ساڈیاں نیہمتاں تیریاں دولتاں نے
ساڈا نیب تے عالی جاہ ہیں توں

ایس لارے تے ٹور کد پچھیا ای
کیہ ایس نمانے تے بیتیاں نے
کدی سار وی لئی او ربّ سائیاں
تیرے شاہ نال جگ کی کیتیاں نے

کتے دھونس پولیس سرکار دی اے
کتے دھاندلی مال پٹوار دی اے
اینویں ہڈاں 'چ کلپے جان میری
جویں پھاہی 'چ کونج کرلانودی اے
چنگا شاہ بنایا ای ربّ سائیاں
پولے کھاندیاں وار نہ آنودی اے
مینوں شاہی نہیں چاہیدی ربّ میرے
میں تے عزت دا ٹکڑ منگناں ہاں
مینوں تانگھ نہیں، محلاں ماڑیاں دی
میں تے جیویں دی نقر منگناں ہاں

میری منے تے تیریاں میں مناں
تیری سونہ جے اک وی گلّ موڑاں
جے ایہہ منگ نہیں پجدی تیں ربا
پھیر میں جاواں تے ربّ کوئی ہور لوڑاں[/size]faiz ahmed faiz.