Ghazal.....
 

[size="5"]
...........غزل
ھ ڈینہہ وی کالی رات جھیاں ہنڑ ڈینہہ دے ڈیوے بال اڑی
کوئی اکھ توں خواب چرا گھنسیا اکھ لا نہ ہنڑ اکھ بھال اڑی
اسمان دو جاں اچھلیندئیں توں اسمان بھکیندے ول تیڈو
تیڈی آہ دی چادر میلی ھ ایکوں ہنج دے نال اگھال اڑی
ہنڑ کوڑ ای کوڑ اے ہرپاسے، ہنڑ کوڑ دی دھوڑ اے ہر پاسے
سچ کوڑ دی دھوڑ ءچ گم تھی گۓ آ کوڑ دی ڈیکھ دھمال اڑی
ایں بکسے وچ تیڈیاں یاداں ہن، اوں بکسے وچ ہن خواب تیڈے
میں رکھیاں رکھ رکھ تھک پئ آں اے اپنڑاں مال سنبھال اڑی
توں سینگیں نال نہال ہیویں تیڈے سینگے ہن تیڈیاں سینگیاں ہن
میں تاریں نال الیندی ہاں میڈے تارے ہن بھئیوال اڑی
تیڈے ہجر فراق دے بھانبڑ وچ دل جل گۓ ہن دل والیں دے
تیڈے نال آسوں پر جال بہسوں توں پر نہ ساڈے جال اڑی
ناشاد کوں پتے کیا تھی گۓ، ناشاد تاں کھلنڑاں ہسنڑاں ہا
ناشاد تاں ہنڑ سنجنڑیندا نئیں، ناشاد تاں ھ بے حال اڑی
کتاب"پرلی کندھی" وچوں
جمشیدناشاد[/size]