مونجھ تیڈی ہے میڈے نال پچھانویں وانگوں
 

[size="5"]مونجھ تیڈی ہے میڈے نال پچھانویں وانگوں
اے مصیبت وی میڈے گل ہے گلانویں وانگوں
ڈکھ وی آندا ہے تاں آندا ہے اندھاری وانگوں
ہنج وی ڈھاندی ہے تاں ڈھاندی ہے ننانویں وانگوں
تہوں تاں مرمر کے وی رشتے کوں نبھیندے ہیں اساں
غم دا رشتہ ہے ساڈا نال بھرانویں وانگوں
اے میڈی جان_غزل تیڈی قسم تیڈے بناں
کہیں دا سایہ وی ملیا ہے تاں کنڑانویں وانگوں
ہنڑ تاں منصور دے پیرے تے پۓ ٹردے ہیں اساں
ہنڑ تاں سولی وی مزا ڈیندی ہے ٹانویں وانگوں
ہک زمانہ ہا اساں باز سڈیندے ہاسے
ہنڑ تاں ڈردے ہیں غلولی توں وی کانویں وانگوں
اپنڑی کتاب،،پرایاچندر،، و[/size]چ