زنجیرءعدل رات ڈینہہ ہلا ہلا کے تھک پیاں
 

[size="5"]زنجیرءعدل رات ڈینہہ ہلا ہلا کے تھک پیاں
میں اپڑیں غم دی داستاں سنڑا سنڑا کے تھک پیاں،
آئے روح دا بے وفا پکھی اڈر ونج اپڑے دیس دو
میں تیکوں ہر شاہین توں بچا بچا کے تھک پیاں،
توں ہک خدا دے در تے سر جکا کے سرخرو تھئیں
میں ہر خدا دے در تے سر جھکا جھکا کے تھک پیاں،
شباب دی ردا کوں چار ڈینہہ وی نہ ہنڈا سگیا
بڈھیپے دی لکار کوں ہنڈا ہنڈا کے تھک پیاں،
اجنڑ وی بئی پلا میکوں آواز ہے اندر کنوں
میں مونجھ کوں ہنجوں دی مئے پلا پلا کے تھک پیاں،
آئے دوستو میں بے کسی دی لاش سر تے چئی وداں
کوئی تاں میڈا ساتھ ڈیو چیلا چیلا کے تھک پیاں،
ناشاد سوجھلے دی کوئی کرن وی نئیں نصیب تھئی
میں چندر کوں زمین تے لہا لہا کے تھک پیاں ❤️❤️
[/size]