ab us se rishta-e-jaaN ustuwaar apnaa hai
"wafaa kare na kare phir bhi yaar apnaa hai

wuhi hai saaz-e-moHabbat , wuhi hai soz-e-nihaaN
usee k faiZ^ se dil , laala-zaar apnaa hai !

Khudaa kare k use bhi hamaari yaad aaye
woh jis ki yaad maiN dil be-qaraar apnaa hai

chale bhi aao k phir se bahaar aajaaye
bichaR k tum se chaman Khaar Khaar apnaa hai !

woh jin ko chhoRe hameN ik zamaana beet gayaa
sunaa hai ab bhi unheN intezaar apnaa hai !

hameN bhi taab nahiN daastaaN sunaane ki
unheN bhi zikr-e-wafaa naagawaar apnaa hai !

dayaar-e-Gher maiN kis se kaheN Hadeec-e-dil ?
yahaaN pe kon bhalaa Ghamgusaar apnaa hai !

yeiziraab-e-moHabbat nahiN to phir kyaa hai?
bahaar maiN bhi chaman sogwaar apnaa hai !

faZ^aa-e-koocha-e-jaanaN se Saaf z^aahir hai
Sabaa k lab pe payaam-e-bahaar apnaa hai !

jigar k Khoon se seeNchaa hai ham ne gulshan ko
ye rang-o-noor ye naqsh-o-nigaar apnaa hai !

ham aasmaan-e-moHabbat k rehne waale haiN !
har ik dayaar se achcha dayaar apnaa hai !

kisee k shauq maiN kyaa kyaa na marHale aaye
magar woh josh-e-junooN bar qaraar apnaa hai !

yehi bohut hai moHabbat se aashnaa to howe
balaa se daaman-e-dil taar taar apnaa hai !

maqaam jaisa bhi aaye rukeN na apne qadam
rah-e-wafaa maiN yehi ik shi'aar apnaa hai

jab panchi sare ur jain,har simt andhera cha jaye
jab guzri batein yad ayein,aur bete lamhay tarpayen
mat tanha tanha ghabrana tum pas hamare a jana
jab koi din mei sham kare ya lab ki hansi badnam kare,
jab wehshat dil ka nam kare,ya ankh mei neend haram kare,
mat tanha tanha ghabrana,tum pas hamare a jana

__________________
I AM THE WAY I AM........................