Kisii kii aankh jo purnam nahin hai
Na samajho yai ke us ko Gam nahin hai

Savaad-e-dard mai tanhaa khadaa huun
Palat jaaun magar mausam nahin hai

Samajh mai kuchh nahin aataa kisii ke
Agarche guftaguu mubaham nahin hai

Sulagataa kyun nahin taariik jangal
Talab kii lau agar maddham nahin hai

Yai bastii hai sitam paravar digaan kii
Yahan koi kisii se kam nahin hai

Kinaaraa duusaraa, dariyaa kaa jaise
Wo saathii hai magar maharam nahin hai

Dilo.n kii raushanii bujhane na denaa
Wajood-e-tiiragii mahakam nahin hai

Mai tum ko chaah kar pachhataa rahaa hun
koi is zaKhm kaa maraham nahin hai

Jo koi sun sake 'Amjad' to sunaa denaa
Ba-juz ek baaz gasht-e-Gam nahin hai

Jo utar kai ziinaa-e-shaam se terii chashm-e-Khush mai samaa gaye
Wahi jalate bujhate se mahar-o-maah mere baam-o-dar ko sajaa gaye

Yai ajeeb khel hai ishq kaa mai nai aap dekhaa yai mojezaa
Wo jo lafz mere gumaa.n mai thay wo terii zubaa.n par aa gaye

Wo jo geet tum ne sunaa nahin merii umr bhar kaa riyaaz thaa
Mere dard kii thii daastaa.n jise tum hansii mai uraa gaye

Wo charaag-e-jaa.n kabhi jis kii lau na kisii havaa se niguu.n hui
Terii bevafaaii kai wasavasay use chupake chupake bujhaa gaye

Wo thaa chaand shaam-e-visaal kaa, ke thaa ruup tere jamaal kaa
Merii ruuh se meri aankh tak kisii raushani mai nahaa gaye


Terii berukhii ke dayaar me mai havaa ke saath havaa huaa
Tere aaiine kii talaash me mere khwaab cheharaa ganwaa gaye

Tere waasavaso.n ke fishar me teraa sharar-e-rang ujar gayaa
Merii Khwaisho.n ke gubaar me mery maah-o-saal-e-vafaa gaye

Wo ajeeb phool se lafz thay tere honth jin se mahak uthey
Mere dasht-e-khwaab me duur tak koi baaG jaise lagaa gaye

Merii umr se na simat sake mere dil me itane savaal the
Tere paas jitane javaab the terii ik nigaah me aa gaye

__________________
My ALLAH it is enough for my respect that I m "Your" person & it is enough for my pride that "You" are my GOD."You" are exactly the way I desire.Thus please mould me the way "You" desire.

chupake chupake asar karataa hai
ishq kainsar kii tarah ba.Dhataa hai

[kainsar = cancer]

jo ko_ii jii na sake mar jaaye
aap kaa naam abas letaa hai

kaun sunataa hai kisii kii vipadaa
sab ke maathe pe yahii qissaa hai

ko_ii Darataa hai bharii mahafil me.n
ko_ii tanhaa_ii me.n ha.Ns pa.Dataa hai

yahii jannat hai yahii hai dozaKh
aur dekho to yahii duniyaa hai

[jannat = heaven; dozaKh = hell]

sab kii qismat me.n fanaa hai jab tak
aasmaano.n pe ko_ii zindaa hai

[fanaa = mortality]

vo Khudaa hai to zamii.n par aaye
hashr kaa din to yahaa.N barpaa hai

[hashr kaa din = day of judgement]

saa.Ns roke hue baiTho 'Amjad'
vaqt dushman kii tarah chalataa hai

(Amjad islam amjad)

muhabbat


sitaare jo damakate hai.n
kisii kii chashm-e-hairaa.N me.n
mulaaqaate.n jo hotii hai.n
jamaal-e-abr-o-baaraa.N me.n

ye na abaad vaqto.n me.n
dil-e-naashaad me.n hogii
muhabbat ab nahii.n hogii
ye kuchh din baad me.n hogii

guzar jaaye.nge jab ye din
ye un kii yaad me.n hogii

(Amjad islam amjad)

tumhe.n mujh se mohabbat hai


mohabbat kii tabiyat me.n
ye kaisaa bachapanaa qudarat ne rakkhaa hai

ke jitanii puraanii jitanii bhii mazabuut ho jaaye
ise taa_iid-e-taazaa kii zaruurat phir bhii rahatii hai
yaqii.n kii aaKhirii had tak dilo.n me.n lah_lahaatii ho
nigaaho.n se Tapakatii ho lahuu me.n jag_magaatii ho
hazaaro.n tarah se dil_kash hasiin haale banaatii ho
use izhaar ke lafzo.n kii haajat phir bhii rahatii hai

mohabbat maa.Ngatii hai yuu.N gavaahii apane hone kii
ke jaise tifl-e-saadaa shaam ko ik biij boye
aur shab me.n bauraa uThe
zamii.n ko khod kar dekhe
ke paudhaa ab kahaa.N tak hai

mohabbat kii tabiyat me.n ajab takaraar kii Khuu hai
ke ye iqraar ke lafzo.n ko sunane se nahii.n thakatii
bichha.Dane kii gha.Dii ho yaa ko_ii milane kii sa'at ho
ise bas ek hii dhun hai
kaho mujh se mohabbat hai
kaho mujh se mohabbat hai

kuchh aisii besakuunii hai vafaa kii sar_zamii.no.n me.n
ke jo ahal-e-mohabbat ko sadaa bechain rakhatii hai
ke jaise phuul me.n Khsuhbuu ke jaise haath me.n taaraa
ke jaise shaam kaa taaraa
mohabbat karane vaalo.n kii sahar raato.n me.n rahatii hai
gumanaam ke shaaKhcho.n me.n aashiyaa.N banataa hai ulfat kaa
ye ain visaal me.n bhii hijr ke Khadsho.n me.n rahatii hai

mohabbat ke musaafir zindagii jab kaaT chukate hai.n
thakan kii karachiyaa.N chunate vafaa kii ajarake.n pahane
samay kii rah_guzar kii aaKhirii sarhad pe rukate hai.n
to ko_ii Duubatii saa.Nso.n kii Dorii thaam ker
dhiire se kahataa hai
ke ye sach hai naa
hamaarii zindagii ik duusare ke naam likhii thii
dhundhalakaa saa jo aa.Nkho.n ke qariib-o-duur phailaa hai
isii kaa naam chaahat hai
tumhe.n mujh se mohabbat thii
tumhe.n mujh se mohabbat hai

mohabbat kii tabiyat me.n
ye kaisaa bachapanaa qudarat ne rakkhaa hai

Ameen for your prayer.
Nice poetry selection & nice mentality.
keep it up.

na shikaayate.n na gilaa kare


na shikaayate.n na gilaa kare
ko_ii aisaa shaKhs huaa kare
jo mere liye hii sajaa kare
mujh hii se baate.n kiyaa kare

[gilaa=complaint]

kabhii roye jaaye vo bepanaah
kabhii betahaashaa udaas ho
kabhii chupake chupake dabe qadam
mere piichhe aa kar ha.Nsaa kare

[bepanaah=limitless]

merii qurbate.n merii chaahate.n
ko_ii yaad kare qadam qadam
mai.n taviil safar me.n huu.N agar
merii vaapasii kii duaa kare

kahaa.N aake rukane the raaste kahaa.N mo.D thaa use bhuul jaa


kahaa.N aake rukane the raaste kahaa.N mo.D thaa use bhuul jaa
vo jo mil gayaa use yaad rakh jo nahii.n milaa use bhuul jaa

vo tere nasiib kii baariishe.n kisii aur chhat pe baras ga_ii
dil-e-beKhabar merii baat sun use bhuul jaa use bhuul jaa

mai.n to gum thaa tere hii dhyaan me.n terii aas me.n tere gumaan me.n
havaa kah ga_ii mere kaan me.n mere saath aa use bhuul jaa

tujhe chaa.Nd ban ke milaa thaa jo tere saahilo.n pe khilaa thaa jo
vo thaa ek dariyaa visaal kaa so utar gayaa use bhuul jaa
Amjad Islam Amjad