Sham k bdd ...
 

Tu ne dekha hai kabhi ek nazar sham k bad
kitne chup chap se lagtey hain shajar sham k bad

itne chup chap k rastey bhi rahen gey la_illm
chor jayenge kisi roz nagar sham k bad

main ne aise hi gunah teri judai main kiye
jaise toofan main koi chor de gher sham k bad

sham se pehle wo mast apni uranon main raha
jis k hathon main the tootey hue par sham k bad

raat biti to giney aabley or phir socha!!
kon tha bais-e-aaghaz-e-safar sham k bad

tu hai sooraj tujhe maloom kahan raat ka dukh
tu kisi roz mere gher main utar sham k bad

lot aaye na kisi roz wo aawara mizaj
khol rakhte hain isi aas pey dar sham k bad....