CSS Forums - دردِ دل لفظوں سے بح نکلے کلام ایسا تو ہو

سلام[size="5"]
سید اقبال رضوی شارب

دردِ دل لفظوں سے بح نکلے کلام ایسا تو ہو
شعر میرا گن گنائیں خاص و عام ایسا تو ہو

چھوڑ کر امّت نہ بھاگے گا امام ایسا تو ہو
مشکلیں جتنی پڑیں سب کرلے رام ایسا تو ہو

تھا بہت زائر کی قسمت پر ملک کو استعجاب
آنکھیں خیرہ ہو کے رہ جایئں مقام ایسا تو ہو

زیست فانی دہر فانی غیرِ فانی بس خدا
ہستی میری پھر بھی پائے کچھ دوام ایسا تو ہو

نوچ ڈالیں منکرِ حیدر خود اپنی ہی قبا
میثمی افکار جب ہوں طشتِ بام ایسا تو ہو

حمد ہو کچھ نعت ہو کچھ منقبت کی بات ہو
داد دیں مخدومئ عالم سلام ایسا تو ہو

جتنی چاہو تم چڑھا لو حبِ مولا کی شراب
پی کے جسکو نکھرے ایماں کوئی جام ایسا تو ہو

جب امامِ وقت فہرستِ وفاداراں لکھیں
اسمیں شارب ہو کہیں پر تیرا نام ایسا تو ہو[/size]