|
Share Thread: Facebook Twitter Google+ |
|
LinkBack | Thread Tools | Search this Thread |
#1
|
||||
|
||||
Zulm phir Zulm.........
Zulm phir zulm hai, barhta hai to mit jaataa hai
Khoon phir Khoon hai, Tapkega to jam jaayega Khaak-e-sehra pe jamy ya kaf-e-qaatil pe jamy farq-e-insaaf pe yaa paa-e-salaasal pe jamy tegh-e-bedaad pe yaa laasha-e-bismil pe jamy Khoon phir Khoon hai Tapkega to jam jaayega Laakh baithy koi chhup chhup k kameen gaahon mein Khoon Khud deta hai jalaadon k maskan ka suraagh saazishein laakh uraati rahein zulmat ka naqaab le k har boond nikalti hai hatheli pe chiraagh zulm kii qismat-e-nakaarah-o-rusvaa se kaho jabr ki hikmat-e-purkaar ke eema se kaho mehmal-e-majlis-e-aqwaam kii laila se kaho Khoon diiwana hai, daaman pe lapak sakta hai shola-e-tund hai, Khirman pe lapak sakta hai tum ne jis Khoon ko maqtal mein dabana chaha aaj vo koocha-o-bazar mein aa nikla hai kahin shola kahin naarah kahin pathar ban k Khoon chalta hai to rukta nahin sangeeno se sar jo uthta hai to dabtaa nahin aaeeno se zulm ki baat hi kya, zulm ki auqaat hi kya zulm bas zulm hai, aaghaaz se anjaam talak Khoon phir Khoon hai, so shakl badal sakta hai aisi shaklein k mitaaoo to mitaaye na banay aisy sholay k bujhaao to bujhaaye na banay aisy naaray k dabaao to dabaaye na banay |
Thread Tools | Search this Thread |
|
|
Similar Threads | ||||
Thread | Thread Starter | Forum | Replies | Last Post |
A Tribute to Umera Ahmed | Argus | Poetry & Literature | 63 | Sunday, February 10, 2019 03:19 AM |
Phir wohi main,wohi tu | mommy | Urdu Poetry | 0 | Friday, January 27, 2012 05:51 PM |
aaj phir | The Star | Urdu Poetry | 0 | Sunday, August 30, 2009 12:01 AM |
Phir apney marney ki hum dua karien | Last Island | Urdu Poetry | 0 | Friday, August 03, 2007 08:49 AM |
Jab dard puranay ho baithay... | free thinker | Urdu Poetry | 0 | Monday, March 20, 2006 09:29 AM |