لفظ تشنہ لبی
 

لفظ تشنہ لبی
[size="5"]
سلام
سید اقبال رضوی شارب

ہماری سوچوں میں رہتا ہے لفظ تشنہ لبی
ہماری ذات کا حصّہ ہے لفظ تشنہ لبی

جو پھیل جاے تو تفسیر کربلا ہے یہی
سمٹ کے ظلم کا نوحہ ہے لفظ تشنہ لبی

ستم کا تیر تبسّم پہ جس نے روک لیا
اسی کی یاد دلاتا ہے لفظ تشنہ لبی

شبیہ مرسل اعظم کے چوڑے سینے پر
یہ کس نے برچھی سے لکّھا ہے لفظ تشنہ لبی


عطش عطش کی صدائیں ڈھلے ڈھلے اجسام
بتائیں کیسے کہ کیا کیا ہے لفظ تشنہ لبی

یہ ٹھیک ہے کہ ہے مفہوم خشک ہی شارب
ہماری آنکھوں میں دریا ہے لفظ تشنہ لبی[/size]