Manqabat :دنیا بھی ہماری ہے عقبٰی بھی ہمارا ہے
 

[size="5"]منقبت
سید اقبال رضوی شارب

جب نادِ علی میرے آقا کو گوارہ ہے
کیا جرم اگر ہم نے حیدر کو پکارا ہے

بس دینِ حقیقی کا جب دل میں منارہ ہے
دنیا بھی ہماری ہے عقبٰی بھی ہمارا ہے

آیاتِ قرانی کے چنتے ہو غلط مطلب
چھوڑا جو درِ حیدر یہ اسکا خسارا ہے

عشّاق علی ہی تو عشّاق محمّد ہیں
سو انکے لبوں پر ہی من کنتُ کا نعرہ ہے

پھر شُومئیِ قِسْمَت کا مت رکھیے گلہ جب کہ
قرآں تو ہے ہاتھوں میں عترت سے کنارا ہے

چہرے پہ نظر کرنا حیدر کے ،عبادت ہے
یہ قولِ محمّد ہی ایمان ہمارا ہے

کردار علی شارب در اصل ہے آفاقی
مت سوچئے حیدر پر بس اپنا اجارہ ہے
[/size]