Naat brai barawafat

[alphabravo]

نعت
(سید اقبال رضوی شارب)

بیان کیسے کروں میں مقام احمد کا
بہت ہی ادنیٰ سا ہوں اک غلام احمد کا

فرشتوں آؤ ذرا میری ہم نوائی کرو
میں لے رہا ہوں ادب سے جو نام احمد کا

وہ گھر ہو قبر ہو یا ہو کوئی نشانی دگر
کہ انکا بوسہ بھی ہے احترام احمد کا

ہے پاک گنبدِ خضریٰ جو آنکھ کا شہتیر
تو نام لینا ہے تجھکو حرام احمد کا

خدا کی بندیِ مخصوص فاطمہ کے سوا
ملا ہے کسکو سلامِ قیام احمد کا

وہ جسنے بعد محمّد بھی اک نبی مانا
تو ختم ہو گیا قصّہ غلام احمد کا

علی ہیں مولا بتانے کے واسطے خم میں
عجیب شان کا تھا اہتمام احمد کا


جو یہ سکھاتا ہو کر کے وصیتیں مرنا
تو کیوں بتاتا نہ قائم مقام احمد کا


جو جانشیں نہ بناتے حیات میں اپنی
تو پھر خدائی نہ ہوتا نظام احمد کا


یتیمی آئی جو شارب تو جز ابو طالب
تھا کس نے بڑھ کے لیا ہاتھ تھام احمد کا