[B][CENTER][FONT="Century Gothic"][SIZE="4"][COLOR="DarkGreen"]thakan to agale safar ke liye bahaanaa thaa
use to yuu.N bhii kisii aur simt jaanaa thaa

vahii chiraaG bujhaa jis kii lau qayaamat thii
usii pe zarb pa.Dii jo shajar puraanaa thaa

mataa-e-jaa.N kaa badal ek pal kii sar_shaarii
suluuk Khvaab kaa aa.Nkho.n se taaziraanaa thaa

vahii firaaq kii baate.n vahii hikaayat-e-vasl
na_ii kitaab kaa ek ek varaq puraanaa thaa

qabaa-e-zard nigaar-e-Khizaa.N pe sajatii thii
tabhii to chaal kaa andaaz Khusrovaanaa thaa[/COLOR][/SIZE][/FONT][/CENTER][/B]
[B][CENTER]Iftikhar Arif[/CENTER][/B]

[B][CENTER][FONT="Century Gothic"][SIZE="4"][COLOR="DarkGreen"]tum aur fareb khaao bayaan-e-raqiib se
tum se to kam gilaa hai ziyaadaa nasiib se

goyaa tumhaarii yaad hii meraa ilaaj hai
hotaa hai paharo.n zikr tumhaaraa tabiib se

barabaad-e-dil kaa aaKhirii saramaayaa thii ummiid
vo bhii to tum ne chhiin liyaa mujh Gariib se

dhu.Ndhalaa chalii nigaah dam-e-vaapasii hai ab
aa paas aa ke dekh luu.N tujh ko qariib se [/COLOR][/SIZE][/FONT][/CENTER][/B]
[B][CENTER]Aga Hashr[/CENTER][/B]

[B][CENTER][FONT="Century Gothic"][SIZE="3"][COLOR="DarkGreen"]zindagii ke mele me.n
Khvaahisho.n ke rele me.n
tum se kyaa kahe.n jaanaa
is qadar jhamele me.n
vaqt kii ravaanii hai
baKht kii giraanii hai
saKht bezamiinii hai
saKht laamakaanii hai
hijr ke samandar me.n
taKht aur taKhte kii
ek hii kahaanii hai
tum ko jo sunaanii hai

baat go zaraa sii hai
baat umr bhar kii hai
umr bhar kii baate.n kab
do gha.Dii me.n hotii hai.n
dard ke samandar me.n
anginat jaziire.n hai.n
beshumaar motii hai.n
aa.Nkh ke dariiche me.n
tum ne jo sajaayaa thaa
baat us diye kii hai
baat us gile kii hai
jo lahuu kii Khilvat me.n
chor ban ke aataa hai
lafz ke fasiilo.n par
TuuT TuuT jaataa hai

zindagii se lambii hai
baat rat_jage kii hai
raaste me.n kaise ho
baat taKhaliye kii hai
taKhaliye kii baato.n me.n
guftaguu izaafii hai
pyaar karane vaalo.n ko
ik nigaah kaafii hai
ho sake to sun jaao
ek din akele me.n
tum se kyaa kahe.n jaanaa.N
is qadar jhamele me.n[/COLOR][/SIZE][/FONT][/CENTER][/B]
[B][CENTER]Amjad Islam Amjad[/CENTER][/B]

[B][CENTER][FONT="Century Gothic"][SIZE="3"][COLOR="DarkGreen"]daaG duniyaa ne diye zaKhm zamaane se mile
ham ko ye tohafe tumhe.n dost banaane se mile

ham tarasate hii taraste hii tarasate hii rahe
vo falaane se falaane se falaane se mile

Khud se mil jaate to chaahat kaa bharam rah jaataa
kyaa mile aap jo logo.n ke milaane se mile

kaise maane ke unhe.n bhuul gayaa tuu ai 'Kaif'
un ke Khat aaj hame.n tere sarahaane se mile [/COLOR][/SIZE][/FONT][/CENTER][/B]
[B][CENTER]Kaif Bhopali [/CENTER][/B]

[B][CENTER][SIZE="3"][COLOR="DarkGreen"]Khaamoshii kaa samaa.N hai aur mai.n huu.N
dayaar-e-Khuftagaa.N hai aur mai.n huu.N

[B][COLOR="Black"][dayaar-e-Khuftagaa.N=world of sleeping people] [/COLOR][/B]

kabhii Khud ko bhii i.nsaa.N kaash samajhe
ye sa_ii-e-raayagaa.N hai aur mai.n huu.N

[COLOR="black"][B][sa_ii-e-raayagaa.N=futile attempt] [/B][/COLOR]

kahuu.N kis se ki is jamahuuriyat me.n
hujuum-e-Khasaravaa.N hai aur mai.n huu.N

[B][COLOR="black"][hujuum-e-Khasaravaa.N=mob of kings] [/COLOR][/B]

pa.Daa huu.N is taraf dhuunii ramaaye
ataab-e-rah-ravaa.N hai aur mai.n huu.N

[COLOR="black"][B][ataab-e-rah-ravaa.N=wayfarers' wrath] [/B][/COLOR]

kahaa.N hai ham-zabaa.N allaah jaane
faqat merii zabaa.N hai aur mai.n huu.N

[B][COLOR="black"][faqat=merely] [/COLOR][/B]

Khaamoshii hai zamii.n se aasmaa.N tak
kisii kii daastaa.N hai aur mai.n huu.N

qayaamat hai Khud apane aashiyaa.N me.n
talaash-e-aashiyaa.N hai aur mai.n huu.N

jahaa.N ek jurm hai yaad-e-bahaaraa.N
vo laafaanii Khizaa.N hai aur mai.n huu.N

[B][COLOR="black"][laafaanii Khizaa.N=eternal autumn] [/COLOR][/B]

tarasatii hai.n Khariidaaro.n kii aa.Nkhe.n
javaahir kii dukaa.N hai aur mai.n huu.N

[B][COLOR="black"][javaahir=jeweller] [/COLOR][/B]

nahii.n aatii ab aavaaz-e-jaras bhii
Gubaar-e-kaaravaa.N hai aur mai.n huu.N

[B][COLOR="black"][aavaaz-e-jaras=sound of bells]
[Gubaar-e-kaaravaa.N=dust left behind by a caravan] [/COLOR][/B]

ma'al-e-ba.ndagii ai "Josh" taubaa
Khudaa-e-meharabaa.N hai aur mai.n huu.N

[ma'al-e-ba.ndagii=fruits of one's worship] [/COLOR][/SIZE][/CENTER][/B]
[B][CENTER]Josh Malihabadi[/CENTER][/B]

[B][CENTER][FONT="Century Gothic"][COLOR="DarkGreen"][SIZE="4"]agar yo.n hii ye dil sataataa rahegaa
to ik din meraa jii hii jaataa rahegaa

mai.n jaataa huu.N dil ko tere paas chho.De
merii yaad tujhako dilaataa rahegaa

galii se terii dil ko le to chalaa huu.N
mai.n pahu.Nchuu.Ngaa jab tak ye aataa rahegaa

qafas me.n ko_ii tum se ai ham-safiiro.n
Khabar kal kii hamako sunaataa rahegaa

[B][COLOR="Black"][qafas=cage; ham-safiiro.n=co-inhabitants] [/COLOR][/B]

Khafaa ho ki ai "Dard" mar to chalaa tuu
kahaa.N tak Gam apanaa chhupaataa rahegaa [/SIZE][/COLOR][/FONT][/CENTER][/B]
[B][CENTER]Khwaja Mir Dard[/CENTER][/B]

[B][CENTER][FONT="Century Gothic"][SIZE="3"][COLOR="DarkGreen"]hai mashq-e-suKhan jaarii chakkii kii mushaqqat bhii
ek turfaa tamaashaa hai "Hasrat" kii tabiiyat bhii

[B][COLOR="Black"][mashq-e-suKhan=drill of poetry; jaarii=running/in operation]
[chakkii kii mushaqqat=grinding of the mill]
[ek turfaa tamaashaa=a strange or wonderous feat/a sight to see]
tabiiyat=dispositon] [/COLOR][/B]

jo chaaho sazaa de do tum aur bhii khul khelo
par ham se qasam le lo kii ho jo shikaayat bhii

[B][COLOR="black"][khul kelo= take liberties; shikaayat=complain] [/COLOR][/B]

Khud ishq kii gustaaKhii sab tujh ko sikhaa degii
ai husn-e-hayaa-parvar shoKhii bhii sharaat bhii

[B][COLOR="black"][gustaaKhii=audacity; husn-e-hayaa-parvar=coy sweetheart]
[shoKhii=coquetry; sharaarat=mischief] [/COLOR][/B]

ushaaq ke dil naazuk us shoKh kii khuu naazuk
naazuk isii nisabat se hai kaar-e-muhabbat bhii

[B][COLOR="black"][ushaaq=lovers; khuu=habit; naazuk=delicate]
[nisabat=related to this/due to this; kaar-e-muhabbat=task of love] [/COLOR][/B]

ai shauq kii bebaakii vo kyaa terii Khvaahish thii
jis par u.nhe.n gussaa hai i.nkaar bhii hairat bhii

[B][COLOR="black"][shauq kii bebaakii=impudence of love; Khvaahish=desire]
[gussaa=anger; i.nkaar=refusal; hairat=surprise] [/COLOR][/B]

hai.n 'Shad'-o-'Safi' shaayar yaa 'Shauq'-o-'Wafa' "Hasrat"
phir 'Danish'-o-'Mahashar' hai.n 'Iqbal' bhii 'Vahashat' bhii [/COLOR][/SIZE][/FONT][/CENTER][/B]
[B][CENTER]Hasrat Mohani[/CENTER][/B]

[B][CENTER][FONT="Century Gothic"][SIZE="3"][COLOR="DarkGreen"]phirate hai.n kab se dar_ba_dar ab is nagar ab us nagar
ek duusare ke ham_safar mai.n aur merii aavaaragii
naa aashanaa har rah_guzar naa mehar_baa.N hai ek nazar
jaaye.n to ab jaaye.n kidhar mai.n aur merii aavaaragii

ham bhii kabhii aabaad the aise kahaa.N bar_baad the
bifikr the aazaad the masaruur the dil_shaad the
vo chaal aisi chal gayaa ham bujh gaye dil jal gayaa
nikale jalaa ke apanaa ghar mai.n aur merii aavaaragii

vo maah-e-vash vo maah-e-ruuh vo maah-e-kaamil huu_ba_huu
thii.n jis kii baate.n kuu_ba_kuu us se ajab thii guftaguu
phir yuu.N huaa vo kho ga_ii aur mujh ko zid sii ho ga_ii
laaye.nge us ko Dhuu.ND kar mai.n aur merii aavaaragii

ye dil hii thaa jo sah gayaa vo baat aisii kah gayaa
kahane ko phir kyaa rah gayaa ashko.n kaa dariyaa bah gayaa
jab kah kar vo dil_bar gayaa tee liye mai.n mar gayaa
rote hai.n us ko raat bhar mai.n aur merii aavaaragii

ab Gam uThaaye.n kis liye ye dil jalaaye.n kis liye
aa.Nsuu bahaaye.n kis liye yuu.N jaa.N gavaaye.n kis liye
peshaa na ho jis kaa sitam Dhuu.Nde.nge ab aisaa sanam
ho.nge kahii.n to kaar_gar mai.n aur merii aavaaragii

aasaar hai.n sab khoT ke imkaan hai.n sab choT ke
ghar band hai.n sab koT ke ab Khatm hai sab ToTake.
qismat kaa sab ye khel hai andher hii andher hai
aise hue hai.n be_asar mai.n aur merii aavaaragii

jab ham_dam-o-ham_raaz thaa tab aur hii andaaz thaa
ab soz hai tab saaz thaa ab sharm hai tab naaz thaa
ab mujh se ho to ho bhii kyaa hai saath vo to vo bhii kyaa
ek behunar ek besabar mai.n aur merii aavaaragii[/COLOR][/SIZE][/FONT][/CENTER][/B]
[B][CENTER]Javed Akhtar[/CENTER][/B]

[B][CENTER][FONT="Century Gothic"][SIZE="3"][COLOR="DarkGreen"]tumako dekhaa to ye Khayaal aayaa
zindagii dhuup tum ghanaa saayaa

aaj phir dil ne ek tamannaa kii
aaj phir dil ko hamane samajhaayaa

tum chale jaaoge to soche.nge
hamane kyaa khoyaa, hamane kyaa paayaa

ham jise gunagunaa nahii.n sakate
vaqt ne aisaa giit kyuu.N gaayaa[/COLOR][/SIZE][/FONT][/CENTER][/B]
[B][CENTER]Javed Akhtar[/CENTER][/B]

[B][CENTER][FONT="Century Gothic"][SIZE="4"][COLOR="DarkGreen"]Khudaa ham ko aisii Khudaa_ii na de
ki apane sivaa kuchh dikhaa_ii na de

Khataavaar samajhegii duniyaa tujhe
ab itanii bhii zyaadaa safaa_ii na de

ha.Nso aaj itanaa ki is shor me.n
sadaa dil kii abhii sunaa_ii na de

abhii to badn me.n lahuu hai bahut
kalam chiin le raushanaa_ii na de

Khudaa aise ehasaas kaa naam hai
rahe saamane aur dikhaa_ii na de [/COLOR][/SIZE][/FONT][/CENTER][/B]
[B][CENTER]Bashir Badr[/CENTER][/B]