[B][CENTER][SIZE="4"][FONT="Century Gothic"][COLOR="DarkGreen"]chhalak ke kam na ho aisii ko_ii sharaab nahii.n
nigaah-e-nargis-e-r'anaa teraa javaab nahii.n

zamiin jaag rahii hai ki inqalaab hai kal
vo raat hai ko_ii zarraa bhii mahv-e-Khvaab nahii.n

zamii.n us kii falak us kaa qaayanaat us kii
kuchh aisaa ishq teraa Khaanamaa_Kharaab nahii.n

jo tere dard se maharuum hai yahaa.N un ko
Gam-e-jahaa.N bhii sunaa hai ki dastayaab nahii.n

abhii kuchh aur ho insaan kaa lahuu paanii
abhii hayaat ke chehare pe aab-o-taab nahii.n

dikhaa to detii hai behatar hayaat ke sapane
Kharaab ho ke bhii ye zindagii Kharaab nahii.n[/COLOR][/FONT][/SIZE][/CENTER][/B]
[B][CENTER]Firaq Gorakhpuri[/CENTER][/B]

[B][CENTER][FONT="Century Gothic"][SIZE="4"][COLOR="DarkGreen"]chehare pe mere zulf ko phailaao kisii din
kyaa roz garajate ho baras jaao kisii din

raazo.n kii tarah utaro mere dil me.n kisii shab
dastak pe mere haath kii khul jaao kisii din

pe.Do.n kii tarah husn kii baarish me.n nahaa luu.N
baadal kii tarah jhuum ke ghir aao kisii din

Khushbuu kii tarah guzaro mere dil kii galii se
phuulo.n kii tarah mujh pe bikhar jaao kisii din

phir haath ko Khairaat mile band-e-qabaa kii
phir lutf-e-shab-e-vasl ko doharaao kisii din

guzare.n jo mere ghar se to ruk jaaye.n sitaare
is tarah merii raat ko chamakaao kisii din

mai.n apanii har ik saa.Ns usii raat ko de duu.N
sar rakh ke mere siine pe so jaao kisii din[/COLOR][/SIZE][/FONT][/CENTER][/B]
[B][CENTER]Amjad Islam Amjad[/CENTER][/B]

[B][CENTER][FONT="Century Gothic"][SIZE="3"][COLOR="Olive"]hosh vaalo.n ko Khabar kyaa beKhudii kyaa chiiz hai
ishq kiije phir samajhiye zi.ndagii kyaa chiiz hai

un se nazare.n kyaa milii raushan fizaaye.n ho ga_ii.n
aaj jaanaa pyaar kii jaaduugarii kyaa chiiz hai

Khulatii zulfo.n ne sikhaa_ii mausamo.n ko shaayarii
jhukatii aa.Nkho.n ne bataayaa maikashii kyaa chiiz hai

ham labo.n se kah na paaye un se haal-e-dil kabhii
aur vo samajhe nahii.n ye Khaamoshii kyaa chiiz hai[/COLOR][/SIZE][/FONT][/CENTER][/B]
[B][CENTER]Nida Fazli[/CENTER][/B]

[CENTER][B][FONT="Century Gothic"][SIZE="3"][COLOR="DarkGreen"]hame.n ko_ii Gam nahii.n thaa Gam-e-aashiqii se pahale
na thii dushmanii kisii se terii dostii se pahale

hai ye merii badanasiibii teraa kyaa qasuur is me.n
tere Gam ne maar Daalaa mujhe zi.ndagii se pahale

meraa pyaar jal rahaa hai ai chaa.Nd aaj chhup jaa
kabhii pyaar thaa hame.n bhii terii chaa.Ndni se pahale

mai.n kabhii na muskuraataa jo mujhe ye ilm hotaa
ki hazaaro.n Gam mile.nge mujhe ik Khushii se pahale

ye ajiib imtehaa.N hai ki tumhii.n ko bhuulanaa hai
mile kab the is tarah ham tumhe.n bedilii se pahale[/COLOR][/SIZE][/FONT][/B][/CENTER]
[B][CENTER]Faiyyaz Hashmi[/CENTER][/B]

[B][CENTER][FONT="Century Gothic"][SIZE="3"][COLOR="DarkGreen"]jab bhii aatii hai terii yaad kabhii shaam ke baad
aur ba.D jaatii hai afsuurdaa-dilii shaam ke baad

ab iraado.n pe bharosaa hai na taubaa pe yakii.n
mujh ko le jaaye kahaa.N tashnaa_labii shaam ke baad

yuu.N to har lamhaa terii yaad kaa bojhal guzaraa
dil ko mahasuus hu_ii terii kamii shaam ke baad

yuu.N to kuchh shaam se pahale bhii udaasii thii 'Adeeb'
ab to kuchh aur ba.Dii dil kii lagii shaam ke baad [/COLOR][/SIZE][/FONT][/CENTER][/B]
[B][CENTER]Krishan Adeeb[/CENTER][/B]

[B][CENTER][FONT="Century Gothic"][SIZE="3"][COLOR="DarkGreen"]jab se tuune mujhe diivaanaa banaa rakhaa hai
sa.ng har shaKhs ne haatho.n me.n uThaa rakhaa hai

us ke dil par bhii ka.Dii ishq me.n guzarii hogii
naam jis ne bhii muhabbat kaa sazaa rakhaa hai

ab mere diid kii duniyaa bhii tamaashaa_ii hai
tuune kyaa mujhako muhabbat me.n banaa rakhaa hai

piijaa aiyaam kii talKhii ko bhii ha.Nsake "Nasir"
Gam ko sahane me.n bhii kudarat ne mazaa rakhaa hai[/COLOR][/SIZE][/FONT][/CENTER][/B]
[B][CENTER]Hakim Nasir[/CENTER][/B]

[B][CENTER][FONT="Century Gothic"][SIZE="3"][COLOR="Olive"]jinhe.n mai.n Dhuu.NDhataa thaa aasmaano.n me.n zamiino.n me.n
vo nikale mere zulmat-e-Khaanaa-e-dil ke makiino.n me.n

mahiine vasl ke gha.Diyo.n kii suurat u.Date jaate hai.n
magar gha.Diyaa.N judaa_ii kii guzaratii hai mahino.n me.n

mujhe rokegaa tuu ai naaKhudaa kyaa garq hone se
ki jin ko Duubanaa hai Duub jaate hai.n safiino.n me.n

jalaa sakatii hai sham-e-kushtaa ko mauj-e-nafas un kii
ilaahii kyaa chhupaa hotaa hai ahal-e-dil ke siino.n me.n

[COLOR="DarkGreen"]tamannaa dard-e-dil kii ho to kar Khidamat faqiiro.n kii
nahii.n milataa ye gauhar baadashaaho.n ke Khaziino.n me.n[/COLOR]

muhabbat ke liye dil Dhuu.NDh ko_ii TuuTanevaalaa
ye vo mai hai jise rakhate hai.n naazuk aab_giino.n me.n

buraa samajhuu.N unhe.n mujh se to aisaa ho nahii.n sakataa
ki mai.n Khud bhii to huu.N "Iqbal" apane nuktaachiino.n me.n[/COLOR][/SIZE][/FONT][/CENTER][/B]
[B][CENTER]Sir Muhammad Iqbal[/CENTER][/B]

[CENTER][B][FONT="Century Gothic"][SIZE="3"][COLOR="DarkGreen"]kaa.NTo.n kii chubhan pa_ii phuulo.n kaa mazaa bhii
dil dard ke mausam me.n royaa bhii ha.Nsaa bhii

aane kaa sabab yaad na jaane kii Khabar hai
vo dil me.n rahaa aur use to.D gayaa bhii

har ek se ma.nzil kaa pataa puuchh rahaa hai
gumaraah mere saath huaa rahanumaa bhii

'Gumnaam' kabhii apano.n se jo Gam huye haasil
kuchh yaad rahe un me.n kuchh bhuul gayaa bhii[/COLOR][/SIZE][/FONT][/B][/CENTER]
[B][CENTER]Surender Malik 'Gumnaam'[/CENTER][/B]

[CENTER][B][FONT="Century Gothic"][SIZE="3"][COLOR="DarkGreen"]kaun kahataa hai mohabbat kii zubaa.N hotii hai
ye haqiiqat to nigaaho.n se bayaa.N hotii hai

vo na aaye to sataatii hai Khalish sii dil ko
vo jo aaye to Khalish aur javaa.N hotii hai

ruuh ko shaad kare dil ko jo puranuur kare
har nazaare me.n ye ta.nviir kahaa.N hotii hai

zabt-e-sailaab-e-mohabbat ko kahaa.N tak roke
dil me.n jo baat ho aa.Nkho.n se ayaa.N hotii hai

zi.ndagii ek sulagatii sii chitaa hai "Sahir"
sholaa ba.ntii hai na ye bujh ke dhuaa.N hotii hai [/COLOR][/SIZE][/FONT][/B][/CENTER]
[B][CENTER]Sahir Hoshiarpuri[/CENTER][/B]

[B][CENTER][FONT="Century Gothic"][SIZE="3"][COLOR="DarkGreen"]Khaamoshii kaa samaa.N hai aur mai.n huu.N
dayaar-e-Khuftagaa.N hai aur mai.n huu.N

[COLOR="Olive"][dayaar-e-Khuftagaa.N = world of sleeping people][/COLOR]

kabhii Khud ko bhii i.nsaa.N kaash samajhe
ye sa_ii-e-raayagaa.N hai aur mai.n huu.N

[COLOR="olive"][sa_ii-e-raayagaa.N = futile attempt][/COLOR]

kahuu.N kis se ki is jamahuuriyat me.n
hujuum-e-Khasaravaa.N hai aur mai.n huu.N

[COLOR="olive"][hujuum-e-Khasaravaa.N = mob of kings][/COLOR]

pa.Daa huu.N is taraf dhuunii ramaaye
ataab-e-rah-ravaa.N hai aur mai.n huu.N

[COLOR="olive"][ataab-e-rah-ravaa.N = wayfarers' wrath][/COLOR]

kahaa.N hai ham-zabaa.N allaah jaane
faqat merii zabaa.N hai aur mai.n huu.N

[COLOR="olive"][faqat = merely][/COLOR]

Khaamoshii hai zamii.n se aasmaa.N tak
kisii kii daastaa.N hai aur mai.n huu.N

qayaamat hai Khud apane aashiyaa.N me.n
talaash-e-aashiyaa.N hai aur mai.n huu.N

jahaa.N ek jurm hai yaad-e-bahaaraa.N
vo laafaanii Khizaa.N hai aur mai.n huu.N

[COLOR="olive"][laafaanii Khizaa.N = eternal autumn][/COLOR]

tarasatii hai.n Khariidaaro.n kii aa.Nkhe.n
javaahir kii dukaa.N hai aur mai.n huu.N

[COLOR="olive"][javaahir = jeweller][/COLOR]

nahii.n aatii ab aavaaz-e-jaras bhii
Gubaar-e-kaaravaa.N hai aur mai.n huu.N

[COLOR="olive"][aavaaz-e-jaras = sound of bells]
[Gubaar-e-kaaravaa.N = dust left behind by a caravan][/COLOR]

ma'al-e-ba.ndagii ai "Josh" taubaa
Khudaa-e-meharabaa.N hai aur mai.n huu.N

[COLOR="Olive"][ma'al-e-ba.ndagii = fruits of one's worship[/COLOR]][/COLOR][/SIZE][/FONT][/CENTER][/B]
[B][CENTER]Josh Malihabadi[/CENTER][/B]

[B][CENTER][FONT="Century Gothic"][SIZE="3"][COLOR="DarkGreen"]uTTho merii duniyaa ke Gariibo.n ko jagaa do
Khaak-e-umaraa ke dar-o-diivaar hilaa do

[COLOR="Olive"][Khaak-e-umaraa = palace of rich people][/COLOR]

garmaao Gulaamo.n kaa lahuu soz-e-yaqii.n se
kunjishk-e-phiromaayaa ko shaahii.n se la.Daa do

[COLOR="olive"][soz-e-yaqii.n = warmth (passion) of belief/faith]
[kunjishk-e-phiromaayaa = ?; shaahii.n = falcon][/COLOR]

sultaanii-e-jamahuur kaa aataa hai zamaanaa
jo naqsh-e-kuhan tum ko nazar aaye miTaa do

[COLOR="olive"][sultaanii-e-jamahuur = rule of the people]
[naqsh-e-kuhan = old structures (ways/traditions)][/COLOR]

jis khet se dahaqaa.N ko mayassar nahii.n rozii
us Khet ke har Khoshaa-e-gundam ko jalaa do

[COLOR="olive"][dahaqaa.N = farmer; mayassar = available/get]
[Khoshaa-e-gundam = ear of wheat][/COLOR]

kyo.n Khaaliq-o-maKhaluuq me.n haayal rahe.n parde
piiraan-e-kaliisaa ko kaliisaa se haTaa do

[COLOR="olive"][Khaaliq = creator; maKhaluuq = creation]
[piiraan-e-kaliisaa = church officials][/COLOR]

mai.n naaKhush-o-bezaar huu.N mar_mar ke silo.n se
mere liye miTTii kaa haram aur banaa do

[COLOR="olive"][mar_mar = marble][/COLOR]

tahaziib-e-navii.n kaar_gah-e-shiishaagaraa.N hai
aadaab-e-junuu.N shaayar-e-mashriq ko sikhaa do

[COLOR="olive"][tahaziib-e-navii.b = new culture; kaar_gah-e-shiishaagaraa.N = factory of glass makers]
[shayaar-e-mashriq = poets of the East][/COLOR][/COLOR][/SIZE][/FONT][/CENTER][/B]
[B][CENTER]Sir Muhammad Iqbal[/CENTER][/B]

[B][CENTER][FONT="Century Gothic"][SIZE="3"][COLOR="DarkGreen"]qadam i.nsaa.N kaa raah-e-dahar me.n tharraa hii jaataa hai
chale kitanaa hii ko_ii bachake Thokar khaa hii jaataa hai

[B][COLOR="Black"][raah-e-dahar = path of life][/COLOR][/B]

nazar ho Khvaah kitanii hii haqaa_iq-aashnaa phir bhii
hujuum-e-kash_ma_kash me.n aadamii ghabaraa hii jaataa hai

[B][COLOR="black"][haqaa_iq-aashnaa = one who is in touch with reality]
[hujuum-e-kash_ma_kash = crowd of difficulties][/COLOR][/B]

Khilaaf-e-masalehat mai.n bhii samajhataa huu.N magar naaseh
vo aate hai.n to chehare par tahayyur aa hii jaataa hai

[B][COLOR="black"][Khilaaf-e-masalehat = against wisdom; tahayyur = change][/COLOR][/B]

havaa_e.N zor kitanaa hii lagaa_e.N aa.Ndhiyaa.N banakar
magar jo ghir ke aataa hai vo baadal chhaa hii jaataa hai

shikaayat kyo.n ise kahate ho ye fitarat hai i.nsaa.N kii
musiibat me.n Khayaal-e-aish-e-raftaa aa hii jaataa hai

[B][COLOR="black"][fitarat = nature; Khayaal-e-aish-e-raftaa = thoughts of bygone days of leisure/happiness][/COLOR][/B]

samajhatii hai.n ma'al-e-gul magar kyaa zor-e-fitarat hai
sahar hote hii kaliyo.n ko tabassum aa hii jaataa hai

[B][COLOR="Black"][ma'al-e-gul = result; sahar = dawn; tabassum = smile][/COLOR][/B][/COLOR][/SIZE][/FONT][/CENTER][/B]
[B][CENTER]Josh Malihabadi[/CENTER][/B]

[CENTER][B][FONT="Century Gothic"][SIZE="3"][COLOR="DarkGreen"]aap jin ke qariib hote hai.n
vo ba.De Khush-nasiib hote hai.n

jab tabiyat kisii pe aatii hai
maut ke din qariib hote hai.n

mujh se milanaa phir aapakaa milanaa
aap kis ko nasiib hote hai.n

zulm sah kar jo uff nahii.n karate
un ke dil bhii ajiib hote hai.n[/COLOR][/SIZE][/FONT][/B][/CENTER]

[B][CENTER]Nooh Narvi[/CENTER][/B]

Zindagii se Darate
 

[B][CENTER][FONT="Century Gothic"][SIZE="5"][COLOR="darkgreen"]zindagii se Darate ho[/COLOR][/SIZE][/FONT][/CENTER][/B]


[B][CENTER][FONT="Century Gothic"][SIZE="3"][COLOR="DarkGreen"]zindagii se Darate ho
zindagii to tum bhii ho, zindagii to ham bhii hai.n
aadamii se Darate ho
aadamii to tum bhii ho aadamii to ham bhii hai.n
aadamii zubaa.N bhii hai, aadamii bayaa.N bhii hai
is se tum nahii.n Darate
harf aur maanii ke rishte haaye aahan se aadamii hai vaabastaa
aadamii ke daaman se zindagii hai vaabastaa
is se tum nahii.n Darate
ankahii se Darate ho
jo abhii aa_ii nahii.n us gha.Dii se Darate ho
us gha.Dii ke aane kii aag hii se Darate hi
pahale bhii to guzare hai.n
daur naarasaa_ii ke, beriyaa, Khudaa_ii ke
phir bhii ye samajhate ho, hech aazaruumandii
ye shab zubaa.Nbandii, hai rahe Khudaabandii
tum yahii samajhate ho, tum magar ye kyaa jaano
lab agar nahii.n hilate haath jaag uThate hai.n
haath jaag uThate hai.n raah kaa nishaan ban kar
nuur kii zubaa.N ban kar
haath bol uThate hai.n subah kii azaa.N ban kar
roshanii se Darate ho
roshanii to tum bhii ho, roshanii to ham bhii hai.n
roshanii se Darate ho
shahar kii fasiilo.n par
dev kaa jo saayaa thaa, paak ho gayaa aaKhir
az_dahaam-e-afsaa.N se fard kii navaa aa_ii
zaat kii sadaa aa_ii
raah-e-shauq me.n jaise raah_ravii Khuu.N lapake
ik nayaa junuu.N lapake
aadamii chhalak uThe
aadamii ha.Nse dekho, shahar phir base dekho
tum abhii se Darate ho
haa.N abhii to tum bhii ho, haa.N abhii to ham bhii hai.n
tum abhii se Darate ho[/COLOR][/SIZE][/FONT][/CENTER][/B]

[B][CENTER]Noon Meem Rashid[/CENTER][/B]

zindagii me.n to sabhii pyaar kiyaa karate hai.n
 

[B][CENTER][FONT="Century Gothic"][SIZE="3"][COLOR="DarkGreen"]zindagii me.n to sabhii pyaar kiyaa karate hai.n
mai.n to mar kar bhii merii jaan tujhe chaahuu.Ngaa

tuu milaa hai to ye ehasaas huaa hai mujh ko
ye merii umr mohabbat ke liye tho.Dii hai
ik zaraa saa Gam-e-dauraa.N kaa bhii haq hai jis par
mai.n ne vo saa.Ns bhii tere liye rakh chho.Dii hai
tujh pe ho jaa_uu.Ngaa qurbaan tujhe chaahuu.ngaa

apane jazbaat me.n naGmaat rachaane ke liye
mai.n ne dha.Dakan kii tarah dil me.n basaayaa hai tujhe
mai.n tasavvur bhii judaa_ii kaa bhalaa kaise karuu.N
mai.n ne qismat kii lakiiro.n se churaayaa hai tujhe
pyaar kaa ban ke nigeh_baan tujhe chaahuu.ngaa

terii har chaap se jalate hai.n Khayaalo.n me.n chiraaG
jab bhii tuu aaye jagaataa huaa jaaduu aaye
tujh ko chhuu luu.N to phir ai jaan-e-tamannaa mujh ko
der tak apane badan se terii Khushbuu aaye
tuu bahaaro.n kaa hai unavaan tujhe chaahuu.Ngaa[/COLOR][/SIZE][/FONT][/CENTER][/B]
[B][CENTER]Qateel Shifai[/CENTER][/B]

[B][CENTER][FONT="Century Gothic"][SIZE="3"][COLOR="DarkGreen"]zi.ndaa rahe.n to kyaa hai jo mar jaae.N ham to kyaa
duniyaa me.n Khaamoshii se guzar jaae.N ham to kyaa

hastii hii apanii kyaa hai zamaane ke saamane
ek Khvaab hai.n jahaa.N me.n bikhar jaae.N ham to kyaa

ab kaun mu.ntazir hai hamaare liye vahaa.N
shaam aa ga_ii hai lauT ke ghar jaae.N ham to kyaa

dil kii Khalish to saath rahegii tamaam umr
dariyaa-e-Gam ke paar utar jaae.N ham to kyaa[/COLOR][/SIZE][/FONT][/CENTER][/B]
[B][CENTER]Munir Niazi[/CENTER][/B]

[CENTER][B][FONT="Century Gothic"][SIZE="3"][COLOR="DarkGreen"]zamaanaa yaad teraa, ai dil-e-naakaam aataa hai
Tapak pa.Date hai.n aa.Nsuu, jab vafaa kaa naam aataa hai

vafaa tum se kare.nge, dukh sahe.nge, naaz uThaaye.nge
jise aataa hai dil denaa, use har kaam aataa hai

akele karavaTe.n hai.n raat bhar , bistar pe aur ham hai.n
kahaa.N pahaluu ko Khaalii dekh kar aaraam aataa hai

hasiino.n me.n basar kar dii javaanii 'Arzoo' hamane
lagaanaa dil kaa siikhe hai.n, yahii ik kaam aataa hai[/COLOR][/SIZE][/FONT][/B][/CENTER]

[B][CENTER]Arzoo Lucknawi[/CENTER][/B]

[B][CENTER][FONT="Century Gothic"][SIZE="3"][COLOR="DarkGreen"]vo dil hii kyaa tere milane kii jo duaa na kare
mai.n tujh ko bhuul ke zi.ndaa rahuu.N Khudaa na kare

rahegaa saath teraa pyaar zi.ndagii ban kar
ye aur baat merii zi.ndagii vafaa na kare

ye Thiik hai nahii.n marataa ko_ii judaa_ii me.n
Khudaa kisii se kisii ko judaa na kare

sunaa hai us ko mohabbat duaae_N detii hai
jo dil pe choT to khaaye magar gilaa na kare

zamaanaa dekh chukaa hai parakh chukaa hai use
"Qateel" jaan se jaaye par iltijaa na kare[/COLOR][/SIZE][/FONT][/CENTER][/B]
[B][CENTER]Qateel Shifai[/CENTER][/B]

[B][CENTER][FONT="Century Gothic"][SIZE="4"][COLOR="Navy"]tere aane kaa dhokaa saa rahaa hai
diyaa saa raat bhar jaltaa rahaa hai

ajab hai raat se aaNkhoN kaa aalam,
ye dariyaa raat bhar chaRhtaa rahaa hai

sunaa hai raat bhar barsa hai baadal,
magar vo shah’r jo pyaasaa rahaa hai?

vo ko’ii dost thaa achche dinoN kaa,
jo pichhlii raat se yaad aa rahaa hai

kise DhuuNDoge in galiyoN meN “Nasir”?
chalo ab ghar chaleN, din jaa raha hai[/COLOR][/SIZE][/FONT][/CENTER][/B]

[B][CENTER]Nasir Kazmi[/CENTER][/B]

[B][CENTER][FONT="Century Gothic"][SIZE="3"][COLOR="Navy"]
sochaaa nahiiN achhaa buraa dekhaaa sunaa kuch bhii nahiiN
maaNgaa Khudaa se raat din tere sivaa kuch bhii nahiiN

dekhaa tujhe sochaa tujhe chaahaa tujhe puujaa tujhe
merii Khataa merii wafaa terii Khataa kuch bhii nahiiN

jis par hamaarii aaNkh ne motii bichhaaye raat bhar
bhejaa wahii kaaGhaz use hamane likhaa kuch bhii nahiiN

ik shaam kii dahliiz par baiThe rahe vo der tak
aaNkhoN se kii baateN bahut muuNh se kahaa kuch bhii nahiiN

do chaar din kii baat hai dil Khaak meN so jaayegaa
jab aag par kaaGhaz rakhaa baakii bachaa kuch bhii nahiiN

ahsaas kii Khushbuu kahaaN, aavaaz ke jugnuu kahaaN
Khaamosh yaadoN ke sivaa, ghar meN rahaa kuch bhii nahiiN[/COLOR][/SIZE][/FONT][/CENTER][/B]
[B][CENTER][SIZE="4"][COLOR="Black"]Bashir Badr[/COLOR][/SIZE][/CENTER][/B]

[B][CENTER][FONT="Century Gothic"][SIZE="3"]tujhe Kho kar bhii tujhe paauuN jahaaN tak dekhuuN
husn-e-yazdaaN se tujhe husn-e-butaaN tak dekhuuN

[COLOR="darkred"](husn-e-yazdaaN : beauty of God; husn-e-butaaN : beauty of idols)[/COLOR]

tuune yuuN dekhaa hai jaise kabhii dekhaa hii na thaa
maiN to dil meN tere qadmoN ke nishaaN tak dekhuuN

sirf is shauq meN puuchii haiN hazaaroN baateN
maiN teraa husn, tere husn-e-bayaaN tak dekhuuN

vaqt ne zehn meN dhundhlaa diye tere khadd-o-Khaal
yuuN to maiN TuuTte taaroN kaa dhuaaN tak dekhuuN

[COLOR="darkred"](khadd-o-Khaal : appearence)[/COLOR]

dil gayaa thaa to ye aaNkhen bhii ko’ii le jaataa
main faqat ek hii tasviir kahaan tak dekhuuN

ek haqiiqat sahii firdaus meN huuroN kaa vajuud
husn-e-insaan se nipat luuN to vahaan tak dekhuuN

[COLOR="DarkRed"](firdaus : paradise)[/COLOR][/SIZE][/FONT][/CENTER][/B]

[B][CENTER]Ahmed Nadeem Qasmi[/CENTER][/B]

[B][CENTER][SIZE="4"][FONT="Georgia"]duniyaa me.n huu.N duniyaa kaa talab_gaar nahii.n huu.N
baazaar se guzaraa huu.N Khariidaar nahii.n huu.N

zindaa huu.N magar ziist kii lazzat nahii.n baaqii
har chand ki huu.N hosh me.n hoshiyaar nahii.n huu.N

is Khaanaa-e-hastii se guzar jaauu.Ngaa belaus
saayaa huu.N faqat naqsh-e-diivaar nahii.n huu.N

afasurdaa huu.N ibarat se davaa kii nahii.n haajat
Gam kaa mujhe ye zauf hai biimaar nahii.n huu.N

vo gul huu.N Khizaa.N ne jise bar_baad kiyaa hai
uljhuu.N kisii daaman se mai.n vo Khaar nahii.n huu.N

yaarab mujhe mahafuus rakh us but ke sitam se
mai.n us kii inaayat kaa talab_gaar nahii.n huu.N

afasurdagii-o-jaur kii kuchh had nahii.n "Akbar"
kaafir ke muqaabil me.n bhii dii.n_daar nahii.N huu.N[/FONT][/SIZE][/CENTER][/B]

[B][CENTER][SIZE="2"]Akbar Allahabadi[/SIZE][/CENTER][/B]

[B][CENTER][SIZE="4"][FONT="Georgia"]bhii.D me.n ik ajanabii kaa saamanaa achchhaa lagaa
sab se chup kar vo kisii kaa dekhanaa achchhaa lagaa

surma_ii aa.Nkho.n ke niiche phuul se khilane lage
kahate kahate kuchh kisii kaa sochanaa achchhaa lagaa

baat to kuchh bhii nahii.n thii lekin us kaa ek dam
haath ko ho.nTho.n pe rakh kar rokanaa achchhaa lagaa

chaay me.n chiinii milaanaa us gha.Dii bhaayaa bahut
zer-e lab vo muskuraataa shukriyaa achchhaa lagaa

dil me.n kitane ahad baa.Ndhe the bhulaane ke use
vo milaa to sab iraade to.Danaa achchhaa lagaa

beiraadaa lams kii vo san_sanii pyaarii lagii
kam tavajjo aa.Nkh kaa vo dekhanaa achchhaa lagaa

niim shab kii Khaamushii me.n bhiigatii sa.Dako.n pe kal
terii yaado.n ke jaalo me.n ghuumanaa achchhaa lagaa

us uduu-e-jaa.N ko 'Amjad' mai.n buraa kaise kahuu.N
jab bhii aayaa saamane vo bevafaa achchhaa lagaa[/FONT][/SIZE][/CENTER][/B]

[B][CENTER]Amjad Islam Amjad[/CENTER][/B]

[B][CENTER][FONT="Georgia"][SIZE="4"][COLOR="Purple"]hamako miTaa sake ye zamaane me.n dam nahii.n
hamase zamaanaa Khud hai zamaane se ham nahii.n

befaayadaa alam nahii.n, bekaar Gam nahii.n
taufiiq de Khudaa to ye ne'amat bhii kam nahii.n

[COLOR="Black"][alam=sorrow; taufiiq=divine strength; ne'amat=divine blessing][/COLOR]

merii zubaa.N pe shikavaa-e-ahl-e-sitam nahii.n
mujhako jagaa diyaa yahii ehasaan kam nahii.n

yaa rab! hujuum-e-dard ko de aur vus'ate.n
daaman to kyaa abhii merii aa.Nkhe.n bhii nam nahii.n

[COLOR="black"][vus'ate.n=spread out][/COLOR]

zaahid kuchh aur ho na ho maiKhaane me.n magar
kyaa kam ye hai ki shikavaa-e-dair-o-haram nahii.n

shikavaa to ek chhe.D hai lekin haqiiqatan
teraa sitam bhii terii inaayat se kam nahii.n

marg-e-Jigar pe kyo.n terii aa.Nkhe.n hai.n ashk-rez
ik saanihaa sahii magar itanii aham nahii.n

[COLOR="black"][saanihaa=incident; aham=important][/COLOR] [/COLOR][/SIZE][/FONT][/CENTER][/B]

[B][CENTER]Jigar Moradabadi[/CENTER][/B]

[B][CENTER][FONT="Georgia"][SIZE="3"][COLOR="Navy"]patthar ke jigar vaalo.n Gam me.n vo ravaanii hai
Khud raah banaa legaa bahataa huaa paanii hai

phuulo.n me.n Gazal rakhanaa ye raat kii raanii hai
is me.n terii zulfo.n kii be-rabt kahaanii hai

[COLOR="Black"][berabt=incongruous/not connected][/COLOR]

ek zahan-e-parenshaa.N me.n vo phuul saa cheharaa hai
patthar kii hifaazat me.n shiishe kii javaanii hai

[COLOR="black"][zahan=mind; pareshaa.N=troubled; hifaazat=protection][/COLOR]

kyo.n chaa.Ndanii raato.n me.n dariyaa pe nahaate ho
soye hue paanii me.n kyaa aag lagaanii hai


is hausalaa-e-dil par ham ne bhii kafan pahanaa
ha.Ns kar koii puuchhegaa kyaa jaan gavaanii hai

[COLOR="black"][hausalaa=courage; kafan=shroud; gavaanaa=to lose][/COLOR]

rone kaa asar dil par rah rah ke badalataa hai
aa.Nsuu kabhii shiishaa hai aa.Nsuu kabhii paanii hai

ye shabanamii lahajaa hai aahistaa Gazal pa.Dhanaa
titalii kii kahaanii hai phuulo.n kii zabaanii hai

[COLOR="black"][lahajaa=style; titalii=butterfly][/COLOR] [/COLOR][/SIZE][/FONT][/CENTER][/B]

[B][CENTER]Bashir Badr[/CENTER][/B]

ik lafz-e-mohabbat kaa adanaa saa fasaanaa hai
 

[B][CENTER][FONT="Georgia"][COLOR="DarkOliveGreen"]ik lafz-e-mohabbat kaa adanaa saa fasaanaa hai
simaTe to dil-e-aashiq phaile to zamaanaa hai

ye kis kaa tasavvur hai ye kis kaa fasaanaa hai
jo ashk hai aa.Nkho.n me.n tasbiih kaa daanaa hai

ham ishq ke maaro.n kaa itanaa hii fasanaa hai
rone ko nahii.n ko_ii ha.Nsane ko zamaanaa hai

vo aur vafaa-dushman maane.nge na maanaa hai
sab dil kii sharaarat hai aa.Nkho.n kaa bahaanaa hai

kyaa husn ne samajhaa hai kyaa ishq ne jaanaa hai
ham Khaak-nashiino.n kii Thokar me.n zamaanaa hai

vo husn-o-jamaal un kaa ye ishq-o-shabaab apanaa
jiine kii tamannaa hai maranaa kaa zamaanaa hai

yaa vo the Khafaa ham se yaa ham the Khafaa un se
kal un kaa zamaanaa thaa aaj apanaa zamaanaa hai

ashko.n ke tabassum me.n aaho.n ke tarannum me.n
maasuum mohabbat kaa maasuum fasaanaa hai

aa.Nkho.n me.n namii sii hai chup-chup se vo baiThe hai.n
nazuk sii nigaaho.n me.n naazuk saa fasaanaa hai

hai ishq-e-junuu.N-peshaa haa.N ishq-e-junuu.N-peshaa
aaj ek sitamagar ko ha.Ns ha.Ns ke rulaanaa hai

[COLOR="Black"]ye ishq nahii.n aasaa.N itanaa to samajh liije
ek aag kaa dariyaa hai aur Duub ke jaanaa hai[/COLOR]

aa.Nsuu to bahot se hai.n aa.Nkho.n me.n 'Jigar' lekin
bindh jaaye so motii hai rah jaaye so daanaa hai[/COLOR][/FONT][/CENTER][/B]

[B][CENTER]Jigar Moradabadi[/CENTER][/B]

Ibaadat
 

[B][CENTER][FONT="Georgia"][SIZE="3"]ibaadat karate hai.n jo log jannat kii tamannaa me.n
ibaadat to nahii.n hai ik tarah kii vo tijaarat hai

[COLOR="Olive"][ibaadat=prayer; jannat=heaven; tijaarat=trade][/COLOR]

jo Dar ke naar-e-dozaKh se Khudaa kaa naam lete hai.n
ibaadat kyaa vo Khaalii buzadilaanaa ek Khidamat hai

[COLOR="olive"][naar-e-dozaKh=fires of hell; buzadilaanaa=cowardly; Khidamat=service][/COLOR]

magar jab shukr-e-ne'mat me.n jabii.n jhukatii hai bande kii
vo sachchii bandagii hai ik shariifaanaa ita'at hai

[COLOR="olive"][shukr-e-ne'mat=thanks for blessings; jabii.n=forehead; ita'at=submission][/COLOR]

kuchal de hasarato.n ko beniyaaz-e-mudd'a ho jaa
Khudii ko jhaa.D de daaman se mard-e-baaKhudaa ho jaa

[COLOR="olive"][beniyaaz-e-mudd'a=oblivious of one's goals; Khudii=self/ego]
[mard-e-baaaKhuda=man/servant of God][/COLOR]

uThaa letii hai.n lahare.n tahanashii.n hotaa hai jab ko_ii
ubharanaa hai to Garq-e-bahr-e-fanaa ho jaa

[COLOR="Olive"][tahanashii.n=submerged; Garq-e-bahr-e-fanaa=drowned in the waves of the sea of mortality][/COLOR][/SIZE][/FONT][/CENTER][/B]

[B][CENTER]Josh Malihabadi[/CENTER][/B]

[B][U][CENTER][FONT="Georgia"][SIZE="5"][COLOR="DarkRed"]Maadaam[/COLOR][/SIZE][/FONT][/CENTER][/U][/B]

[B][CENTER][FONT="Georgia"][SIZE="3"][COLOR="Black"]aap bevajah pareshaan-sii kyo.n hai.n maadaam
log kahate hai.n to phir Thiik hii kahate ho.nge
mere ehabaab ne tahaziib na siikhii hogii
mere maahaul me.n i.nsaan na rahate ho.nge

[COLOR="DarkOliveGreen"][maadaam=Urdu equivalent of Madam]
[ehabaab=friends; maahaul=environment/surrounding][/COLOR]

nuur-e-saramaayaa se hai ruu-e-tamaddun kii jilaa
ham jahaa.N hai.n vahaa.N tahaziib nahii.n pal sakatii
mufalisii hiss-e-lataafat ko miTaa detii hai
bhuuk aadaab ke saa.Nche me.n nahii.n Dhal sakatii

[COLOR="darkolivegreen"][nuur-e-saramaayaa=light of wealth; ruu-e-tamaddun=face of civilization]
[jilaa=shine/brightness; hiss-e-lataafat=finer feelings]
[aadaab=genteel/civilized/politeness][/COLOR]

log kahate hai.n to logo.n pe t’ajjub kaisaa
sach to kahate hai.n ki naadaaro.n kii izzat kaisii
log kahate hai.n – magar aap abhii tak chup hai.n
aap bhii kahiye Gariibo.n me.n sharaafat kaisii

[COLOR="darkolivegreen"][naadaaro.n=poor][/COLOR]

nek maadaam! Bahut jald vo daur aayegaa
jab hame.n ziist ke adavaar parakhane ho.nge
apanii zillat kii qasam, aap kii azamat kii qasam
hamako taa’ziim ke me_aar parakhane ho.nge

[COLOR="darkolivegreen"][ziist=life; adavaar=values; zillat=humiliation]
[azamat=greatness; taa’ziim=respect; me_aar=level] [/COLOR]

hamane har daur me.n tazaliil sahii hai lekin
hamane har daur ke chehare ko ziyaa baKhshii hai
hamane har daur me.n mehanat ke sitam jhele hai.n
hamane har daur ke haatho.n ko hinaa baKhshii hai

[COLOR="darkolivegreen"][tazaliil=insult; ziyaa=brightness/brilliance][/COLOR]

lekin in talKh mubaahis se bhalaa kyaa haasil
log kahate hai.n to phir Thiik hii kahate ho.nge
mere ehabaab ne tahaziib na siikhii hogii
mere maahaul me.n i.nsaan na rahate ho.nge

[COLOR="darkolivegreen"][talKh=bitter; mubaahis=arguments][/COLOR][/COLOR][/SIZE][/FONT][/CENTER][/B]

[B][CENTER]Sahir Ludhianvi [/CENTER][/B]

[CENTER][B][I][FONT="Georgia"][SIZE="3"]mere hii lahuu par guzar auqaat karo ho
mujh se hii amiiro.n kii tarah baat karo ho

din ek sitam ek sitam raat karo ho
vo dost ho dushman ko biii maat karo ho

ham khaaq_nashiin tum suKhan_aaray sar-e-baam
paas aakar milo duur se kyaa baat karo ho

ham ko jo milaa hai vo tumhii.n se to milaa hai
ham aur bhulaa de.n tumhe.n kyaa baat karo ho

yuu.n to muu.Nh pher ke dekho bhii nahii.n ho
jab vaqt pa.De hai to madaaraat karo ho

na daaman pe ko_ii chii.nT na Khanjar pe ko_ii daaG
tum qatl karo ho ke karaamaat karo ho

bakane do "Aajiz" ko jo bole hai bake hai
diivaanaa hai diivaane se kyaa baat karo ho[/SIZE][/FONT][/I][/B][/CENTER]

[B][CENTER]Kaleem Ajiz[/CENTER][/B]

[B][I][CENTER][SIZE="3"]Khatra hai zar daron ko
Girti hui diwaron ko
Sadiyon ke bimaron ko
Khatre mein Islam nahin
Sari zamin ko ghere hue hain aakhir chand gharane kyon
Naam nabi ka lene wale ulfat se begane kyon

Khatra hai khun khwaron ko
Rang birangi karon ko
Amrika ke pyaron ko
Khatre mein Islam nahin
Aaj hamare naaron se larza hai bapa aiwanon mein

Bik na sakenge hasrat-o arman unchi saji dukanon mein
Khatra hai bat maron ko
Maghrib ke bazaron ko
Choron ko makkaron ko
Khatre mein Islam nahin
Amn ka parcham le kar utho har insane se piyar karo
Apna to manshoor hai Jalib, sare jahan se pyar karo

Khatra hai darbaron ko
Shahon ke ghamkhwaron ko
Nawabon, ghaddaron ko
Khatre mein Islam nahin [/SIZE][/CENTER][/I][/B]

[B][I][CENTER]Habib Jalib[/CENTER][/I][/B]

[B][CENTER][COLOR="Olive"][SIZE="4"][FONT="Comic Sans MS"]Nigah-e-faqr main shaan-e-sikandari kya hai?
Khiraaj ki jo gada ho, wo qaiseri kya hai?
Falaq nay ki hai ata un ko khaajgi kay jinhain
Khabar nahin rawish-e-banda parwari kya hai?
Kissey nahin hai tamanna-e-sarwari lekin
Khudi ki mout ho jis main, wo sarwari kya hai?
Buton say tujh ko umeedain, Khuda say no meedi
Mujhey bata tou sahi aur kaafri kya hai?[/FONT][/SIZE][/COLOR]

Allama Iqbal [/CENTER][/B]


[SIZE="3"][B]Meanings:[/B]

[B]Nigah-e-Faqr main shan-e-sikandari kya hai [/B]= What is the worth of kingdom in eyes of a saint?; [B]Khiraj ki jo gada ho, wo qeseri kya hai [/B]= Such a rule in which ruler is always worried about keeping it secure, is worthless; [B]Falaq [/B]= Nature; [B]Khaajgi[/B] = Ruling class; [B]Khabar nahin [/B]= Ignored; [B]rawish-e-banda parwari [/B]= Sense of serving humanity; [B]tamanna-e-sarwari[/B] = Desires to rule; [B]Khudi ki mout ho jis main wo sarwari kya hai [/B]= Such rule is insulting to gain which, self respect is required to be sacrificed; [B]Buton[/B] = Idols (referring to fellow human beings here); [B]umeedain[/B] = Expectations; [B]no meedi [/B]= Disappointment; [B]Kaafri[/B] = Non Muslim who donot believe in Oneness of God[/SIZE]

[B][CENTER][SIZE="4"]Dhal gayaa aaftaab ai saaqii
laa pilaa de sharaab ai saaqii

yaa suraahii lagaa mere muu.Nh se
yaa ulaT de naqaab ai saaqii

maikadaa chho.D kar kahaa.N jaa_uu.N
hai zamaanaa Kharaab ai saaqii

jaam bhar de gunaah_gaaro.n ke
ye bhii hai ik savaab ai saaqii

aaj piine de aur piine de
kal kare.nge hisaab ai saaqii [/SIZE][/CENTER][/B]

[B][CENTER]Sudarshan Faakir[/CENTER][/B]

[CENTER][FONT="Comic Sans MS"][SIZE="4"][COLOR="Olive"][B]us shaam vo ruKhsat kaa samaa.N yaad rahegaa
vo shahar vo kuuchaa vo makaa.N yaad rahegaa

vo Tiis ki ubharii thii idhar yaad rahegii
vo dard ke uThaa thaa yahaa.N yaad rahegaa

ham shauq ke shole kii lapak bhuul jaaye.nge
vo shamaa-e-fasurdaa kaa dhuaa.N yaad rahegaa

kuchh miir ke abyaat the kuchh faiz ke misare
ik dard kaa thaa jin me.n bayaa.N yaad rahegaa

jaa.N baKhsh sii thii us gul_barg kii taraavaat
vo lams-e-aziiz-e-do-jahaa.N yaad rahegaa

ham bhuul sake hai.n na tujhe bhuul sake.nge
tuu yaad rahegaa hame.n haa.N yaad rahegaa[/B][/COLOR][/SIZE][/FONT][/CENTER]

[B][CENTER]Ibne Insha[/CENTER][/B]

[CENTER][IMG]http://i295.photobucket.com/albums/mm136/adeesaha/sunahai.jpg[/IMG][/CENTER]

[B][CENTER][FONT="Comic Sans MS"][SIZE="4"]aarazuu hai vafaa kare ko_ii
jii na chaahe to kyaa kare ko_ii

gar marz ho davaa kare ko_ii
marane vaale kaa kyaa kare ko_ii

[marz=illness]

koste hai.n jale hue kyaa kyaa
apane haq me.n duaa kare ko_ii

[kosanaa=to curse]

un se sab apanii apanii kahate hai.n
meraa matalab adaa kare ko_ii

tum saraapaa ho suurat-e-tasviir
tum se phir baat kyaa kare ko_ii

[saraapaa=from head to toe; suurat-e-tasviir=like a picture]

jis me.n laakho.n baras kii huure.n ho.n
aisii jannat ko kyaa kare ko_ii

[huur=fairy; jannat=paradise][/SIZE][/FONT][/CENTER][/B]

[B][CENTER]Daag Dehlvi[/CENTER][/B]

[CENTER][IMG]http://i295.photobucket.com/albums/mm136/adeesaha/faraz1.jpg[/IMG]
[IMG]http://i295.photobucket.com/albums/mm136/adeesaha/faraz2.jpg[/IMG][/CENTER]

[B][CENTER][COLOR="DarkOliveGreen"][SIZE="4"][FONT="Book Antiqua"]Kis-wal akheya we Majnu-nu, O teri Laila disdi kaali we!

Majnu ne jawab ditta, O teri ankh wekhan-waali we!

Je tu dekhe meri ankh naal, Teri surat na jaaye samhaali we!

Ved bhi chitta ter Quran bhi chitti, Vich shyahi rakh ditti kaali we!

Ghulam Farid jitthe ankhiyaan lagiyaan, Utthe kya gori, kya kaali we! [/FONT][/SIZE][/COLOR][/CENTER][/B]


Contrary to the common notion, Laila wasn’t really fair. The peom talks about Majnu’s reaction, when someone states that Laila is black. To this Majnu replies, [B][I]“Your eye hasn’t been able to see her real beauty. If only you could see through my eyes, you’ll be awed and wouldn’t be able to handle it“. [/I][/B]He then goes on to say my favorite lines, “[B][I]Although Ved (Hindu holy scriptures) and Quran are nothing but white papers, the real value comes with the ink, which is black in color“. [/I][/B]Ghulam Farid closes the stanza by saying that [B][I]if Ghulam Farid has fallen for someone, the back-white color matters no more.[/I][/B]

[B][I][CENTER][SIZE="4"][FONT="Century Gothic"][COLOR="DarkOliveGreen"]aa gayii yaad sham Dhalte hii
bujh gayaa dil chiraaGh jalte hii

khul gaye shahr-e-Gham ke darvaaze
ek zaraa sii havaa ke chalte hii

kaun thaa tuu ke phir na dekhaa tujhe
miT gayaa Khvaab aaNkh malte hii

tuu bhii jaise badal saa jaataa hai
aks-e-diivaar ke badalte hii[/COLOR][/FONT][/SIZE][/CENTER][/I][/B]

[B][CENTER]Munir Niazi[/CENTER][/B]

[B][I][CENTER][COLOR="DarkOliveGreen"][SIZE="4"][FONT="Century Gothic"]baa-vafaa’ii kii adaa paane lagaa huuN tujh meN
ai jafaa-dost ye kyaa dekh rahaa huuN tujh meN

tuu daryaa hai ke jiskaa ko’ii saahil hii nahiiN
maiN safiine kii tarah Duub gayaa huuN tujh meN

tere chehre se haTaa’ii nahiiN jaatii nazreN
kyaa Khabar der se kyaa dekh rahaa huuN tujh meN

meraa daavaa hai ke tuune bhii na dekhe hoNge
aise jalve ke jo maiN dekh rahaa huuN tujh meN

paas itnaa ke terii saaNsoN se Takraatii hai saaNs
duur itnaa ke tujhe dhuuNd rahaa huuN tujh meN

bevafaa terii zubaaN par ye vafaa kii baateN
aisaa lagtaa hai ke maiN bol rahaa huuN tujh meN[/FONT][/SIZE][/COLOR][/CENTER][/I][/B]

[B][CENTER]Shamim Jaipuri[/CENTER][/B]

[B][I][CENTER][COLOR="DarkOliveGreen"][SIZE="4"][FONT="Century Gothic"]unkii Khushii yahii hai to acchaa yuuNhii sahii
ulfat kaa naam aaj se diivaangii sahii

har chand naa-murad huuN phir bhii huuN kaamyaab
koshish to kii hai koshish-e-barbaad hii sahii

GhunchoN ke dil se puuchiye lutf-e-shaguftagii
baad-e-sabaa pe tohmat-e-aavaargii sahii

jab chhiR gayii hai kaakul-e-shab rang kii Ghazal
aise maiN ek qasiidah-e-ruKhsaar bhii sahii

“Mahir” se ijtinaab na farmaayeN ahl-e-dil
acchoN ke saath aik gunehgaar bhii sahii[/FONT][/SIZE][/COLOR][/CENTER][/I][/B]

[B][CENTER]Mahirul Qadri[/CENTER][/B]