Ghazal ke saaz uthao, bohot udaas hai raat
 

[COLOR="DarkRed"][SIZE="3"][FONT="Book Antiqua"][B]Ghazal ke saaz uthao, bohot udaas hai raat
Nawa-e-Meer sunao, bohot udaas hai raat

Jo ho sakay tou idhar ki bhi rah bhool paro
Sanam kaday ki hawao, bohot udaas hai raat

Diye raho kuch aur der hath mein hath
Abhi na paas se jao, bohot udaas hai raat

Koi kaho yeh khayalon se aur khawabon se
Dilon se door na jao, bohot udaas hai raat

Isi khandar mein kuch diye hain tootay huay
Inhi se kaam chalao, bohot udaas hai raat

Kabhi tumharay yahan bhi hui hai raat aisi ?
Muqadaron ke Khudao, bohot udaas hai raat

Do-aatsha na bana dey usay nawa'e Faraq
Yeh saaz-e-ghum na sunao, bohot udaas hai raat[/B][/FONT][/SIZE][/COLOR]

[b]zara Ummr-e-rafta Ko Aawaaz Dena
Ghazal Us Nay Chheri , Zara Saaz Dena[/b]