wo baten teri wo fasaanay tairay
 

[COLOR="DarkRed"][CENTER][B]vo baaten terii vo fasaanay tere
shaguftaa shaguftaa bahaane tere

bas ek zaKhm nazzaaraa hissaa meraa
bahaaren terii aashiyaane tere

bas ek daaGh-e-sajdaa merii qaayenaat
jabiinen terii aastaane tere

zamiir-e-sadaf men kiran kaa muqaam
anokhay anokhay Thikaanay tere

faqiiron kaa jamaghaT ghaRii do ghaRii
sharaaben terii baadaaKhaanay tere

bahaar-o-KhizaaN kam nigaahon ke vaham
bure yaa bhale sab zamaane tere

"Adam" bhii hai teraa hikaayat_kadaah
kahaaN tak gaye hain fasaane tere [/B][/CENTER][/COLOR]


...........................
Abdul Hameed Adam