#1
|
||||
|
||||
aaj ke naam
aaj ke naam
aur aaj ke Gam ke naam aaj kaa Gam ki hai zindagii ke bhare gulasitaa.N se Khafaa zard patto.n kaa ban zard patto.n kaa ban jo meraa des hai dard kaa a.njuman jo meraa des hai kilarko.n kii afasurdaa jaano.n ke naam kirm_Khurdaa dilo.n aur zabaano.n ke naam posT-mai.no.n ke naam Ta.ngewaalo.n ke naam rel_baano.n ke naam kaaraKhaano.n ke bhole jiyaalo.n ke naam baadashaah-e-jahaa.N, waali-e-maasivaa, nae_bullaah-e-fil-arz, dahakaa.N ke naam jis ke Dhoro.n ko zaalim ha.Nkaa le gaye jis kii beTii ko Daakuu uThaa le gaye haath bhar Khet se ek a.ngusht paTavaar ne kaaT lii hai duusarii maaliye ke bahaane se sarakaar ne kaaT lii hai jis ke pag zor waalo.n ke paa.Nvo.n tale dhajjiyaa.N ho gayi hai un duKhii maao.n ke naam raat me.n jin ke bachche bilaKhate hai.n aur nii.nd kii maar khaaye hue baazuuo.n se sa.Nbhalate nahii.n dukh bataate nahii.n minnato.n zaariyo.n se bahalate nahii.n un hasiinaao.n ke naam jinakii aa.Nkho.n ke gul chilamano.n aur daricho.n kii belo.n pe bekaar khil khil ke murjhaa gaye hai.n un byaahataao.n ke naam jinake badan be_mohabbat riyaakaar sejo.n pe saj saj ke ukataa gaye hai.n bewaao.n ke naam kata.Diyo.n aur galiyo.n, muhallo.n ke naam jinakii naapaak Khaashaak se chaa.Nd raato.n ko aa aa ke karataa hai aksar wazuu jinakii saayo.n me.n karatii hai aaho-bukaa aa.Nchalo.n kii hinaa chuu.Diyo.n kii khanak kaakulo.n kii mahak aarazuuma.nd siino.n kii apane pasiine me.n jalane kii buu pa.Danewaalo.n ke naam wo jo asahaab-e- tablo-alam ke daro.n par kitaab aur qalam kaa takaazaa liye, haath phailaaye pahu.Nche, magar lauT kar ghar na aaye vo maasuum jo bholepan me.n wahaa.N apane na.nhe chiraaGo.n me.n lau kii lagan le ke pahu.Nche jahaa.N ba.NT rahe the ghaTaaTop, be-a.nt raato.n ke saaye un asiiro.n ke naam jin ke siino.n me.n fardaa ke shabataab gauhar jel_Khaano.n kii shoriidaa raato.n kii sar-sar me.n jal-jal ke a.njum-numaa.N ho gaye hai.n aanewaale dino.n ke safiiro.n ke naam vo jo Khushbuu-e-gul kii tarah apane paiGaam par Khud fidaa ho gaye hai.n **Left incomplete by Faiz** |
#2
|
|||
|
|||
Lo aaj hum ko hum nay tere naam kiya,
'Fanta mera iklota ghora be-lgham liya.. Sorry its my own effort if it hurts but iwas fully well-intended to pure art genious |
Thread Tools | Search this Thread |
|
|
Similar Threads | ||||
Thread | Thread Starter | Forum | Replies | Last Post |
Insha naam ka deewana | Last Island | Urdu Poetry | 7 | Tuesday, February 08, 2011 01:39 PM |
doostoon ki bey Niyaazi ko Aadaaa ka naam do | Red Flower | Urdu Poetry | 0 | Wednesday, August 26, 2009 04:43 PM |
Main Apna Aaj Apna Kal Tumhare Naam Karta Hoon, | arsa | Urdu Poetry | 0 | Tuesday, May 26, 2009 10:50 PM |
Woh Shaam Zara Si Gehri Thi | sara soomro | Urdu Poetry | 2 | Saturday, January 31, 2009 03:27 AM |
kahin aah banke lab pe tera naam aa na jaaye | Sureshlasi | Urdu Poetry | 0 | Thursday, July 17, 2008 09:40 PM |