Hum baray ho gaye
 

[FONT=Book Antiqua][SIZE=3]Hum baray ho gaye
Muskurahat, tabassum, hansi, qehqahay
Sub kay sub kho gaye
Hum baray ho gaye[/SIZE][/FONT]
[FONT=Book Antiqua][SIZE=3]
Zimma-e-dari musalsal nibhatay rahay
Apnay dukh soch kar roay tanhai main
Mehfilon main magar muskuratay rahay
Kitnay logon se ab mukhtalif ho gaye
Hum baray ho gaye[/SIZE][/FONT]
[FONT=Book Antiqua][SIZE=3]
Aur kitni musafat hai baqi abhi
Zindagi ki hararat hai baqi abhi
Wo jo hum se baray hain salamat rahain
In sabhi ki zarorat hai baqi abhi
Jo thapak kar sulatay thay khud so gaye
Hum baray ho gaye[/SIZE][/FONT]
[FONT=Book Antiqua][SIZE=3]
Khatm honay ko ab zindagani hui
Janay kub aai aur kya jawani hui
Jo haqeqat thi ab wo kahani hui
Manzilain mil gaein humsafar kho gaye
Hum baray ho gaye[/SIZE][/FONT]