Baat nikalegi to phir door talak jayeegi,
 

[B]Baat nikalegi to phir door talak jayeegi,
Log be-vajah udaasi ka sabab poochayengay,
Yeh bhi poochayengay ki tum itni pareshaan kyon ho,
Ungaliyan uthayengi sukhay huey baalon ki taraf,
Ik nazar dekhyengay guzray huey saalon ki taraf,
Choodiyon par bhi kai tanz kiyey jaayengay,
Kaanptay haathon pay bhi fikray kasay jaayengay,
Log zaalim hai, har ik baat ka taana dengay,
Baaton baaton mein mera zikr bhi ley aayengay,
Unki baaton ka zara sa bhi asar mat lena,
Varna chehray kay taasur say samajh jaayengay,
Chahey kuch bhi ho sawaalat na karna unsay,
Meray baaray mein koi baat na karna unsay,
Baat nikalegi to phir door talak jayeegi ! [/B]


Nazia Niazi

zindagii se Darate ho
 

[B]zindagii se Darate ho


zindagii se Darate ho
zindagii to tum bhii ho, zindagii to ham bhii hai.n
aadamii se Darate ho
aadamii to tum bhii ho aadamii to ham bhii hai.n
aadamii zubaa.N bhii hai, aadamii bayaa.N bhii hai
is se tum nahii.n Darate
harf aur maanii ke rishte haaye aahan se aadamii hai vaabastaa
aadamii ke daaman se zindagii hai vaabastaa
is se tum nahii.n Darate
ankahii se Darate ho
jo abhii aa_ii nahii.n us gha.Dii se Darate ho
us gha.Dii ke aane kii aag hii se Darate hi
pahale bhii to guzare hai.n
daur naarasaa_ii ke, beriyaa, Khudaa_ii ke
phir bhii ye samajhate ho, hech aazaruumandii
ye shab zubaa.Nbandii, hai rahe Khudaabandii
tum yahii samajhate ho, tum magar ye kyaa jaano
lab agar nahii.n hilate haath jaag uThate hai.n
haath jaag uThate hai.n raah kaa nishaan ban kar
nuur kii zubaa.N ban kar
haath bol uThate hai.n subah kii azaa.N ban kar
roshanii se Darate ho
roshanii to tum bhii ho, roshanii to ham bhii hai.n
roshanii se Darate ho
shahar kii fasiilo.n par
dev kaa jo saayaa thaa, paak ho gayaa aaKhir
az_dahaam-e-afsaa.N se fard kii navaa aa_ii
zaat kii sadaa aa_ii
raah-e-shauq me.n jaise raah_ravii Khuu.N lapake
ik nayaa junuu.N lapake
aadamii chhalak uThe
aadamii ha.Nse dekho, shahar phir base dekho
tum abhii se Darate ho
haa.N abhii to tum bhii ho, haa.N abhii to ham bhii hai.n
tum abhii se Darate ho[/B]

Nazia Niazi

[B]aag ho to jalane me.n der kitanii lagatii hai


aag ho to jalane me.n der kitanii lagatii hai
barf ke pighalane me.n der kitanii lagatii hai

chaahe ko_ii ruk jaaye chaahe ko_ii rah jaaye
qaafilo.n ko chalane me.n der kitanii lagatii hai

chaahe ko_ii jaisaa bhii ham_safar ho sadiyo.n se
raastaa badalane me.n der kitanii lagatii hai

ye to vaqt ke bas me.n hai ke kitanii mohalat de
varnaa baKht Dhakane me.n der kitanii lagatii hai

mom kaa badan lekar dhuup me.n nikal aanaa
aur phir pighalane me.n der kitanii lagatii hai

soch kii zamiino.n me.n raaste judaa ho.n to
duur jaa nikalane me.n der kitanii lagatii hai


hows that...............

Nazia Niazi[/B]