Muhabat zaat hoti hay
 

muhabat zaat hoti hay
muhabat zat ki takmeel hoti hay

koi jangle mein ja tehray kisi basti mein bas jaye
muhabat sath hoti hay
muhabat khushbo'on ki lay
muhabat mosamon ka dhan
muhabat absharon kay nikhartay panyon ka man
muhabat jangalon mein raqs karti morni ka tan
muhabat barf parti sardion mein dhoop bnti hay
muhabat chilchilatay garm sehraon mein thandi chaon ki manind
muhabat ajnabi dunya mein apnay gaon ki manind
muhabat dil
muhabat jan
muhabat rooh ka darman
muhabat morti hay
aur
kbhi jo dil kay mandar par khin par toot jae tu
muhabat kanch ki gurya
fizaon mein kisi kay hath say gir kar chot jae tu
muhabat abla hay karb ka
aur phot jae tu muhabat roag hoti hay muhabat soag hoti hay
muhabat sham hoti hay
muhabat rat hoti hay
muhabat jilmilati ankh mein barsat hoti hay
muhabat neend ki rut mein haseen khawabon kay rastay pay
sulagtay jan ko atay
ratjagon ki ghat hoti hay
muhabat jeet hoti hay muhabat maat hoti hay
muhabat zaat hoti hay