Meri Pasand - Page 2

Farrah Zafar · #11 Sunday, January 02, 2011

Meray Qatil Meray Dildar

mere qaatil, mere dildaar, mere paas raho
jis ghari raat chale
aasamano.n ka lahu pee kar siyah raat chale
marham-e-mushk liye nashtar-e-almaas chale
bain karatii hoi, hansati hoi, gaatii nikale
dard kii kaasani paazeb bajaatii nikale
jis ghari sino.n me.n doobate huye dil
aastino.n me.n nihaa.n haatho.n ki rah takane nikale
aas liye
aur bachcho.n ke bilakhane ki tarah qul-qul-e-may
bahr-e-naasudagi machale to manaye na mane
jab koi baat banaaye na bane
jab na koi baat chale
jis ghari raat chale
jis ghari maatamii, sun-saan, siyah raat chale
paas raho
mere qaatil, mere dildaar, mere paas raho

Faiz

Farrah Zafar · #12 Monday, January 03, 2011

Mujhe ab dar nahi lagta
kisi k door jane se
Ta'luq Tot jane se
kisi k maan jane se
kisi k roth jane se
Mujhe ab dar nahi lagta
Kisi ko azmane se
kisi k azmane se
kisi ko yad rakhne se
kisi ko bhol jane se
Mujhe ab dar nahi lagta
Kisi ko chor dene se
kisi k chor jane se
Na shama ko jalane se
Na shama ko bujhane se
Mujhe ab dar nahi lagta
Akele muskrane se
kabhi ansoo bhane se
Na is sare zmane se
Haqeeqat se fasane se
Mujhe ab dar nahi lagta
Kisi ki na'rasai se
Kisi ki parsai se
Kisi ki bewafai se
Kisi dukh intehai se
Mujhe ab dar nahi lagta
Na to is paar rehne se
Na to us paar rehne se
Na apni zindgani se
Na ik din mout aane se
Mujhe Ab Dar Nahi Lagta............!

Farrah Zafar · #13 Tuesday, January 04, 2011

Gilay chahe bohat karna,

Rulana aur bohat larna !

Suno naraz mat hona,

Kabhi aisa jo ho jai,

Keh teri yaad se ghafil,

Kisi lamhay jo ho jaon,

Bina dekhe teri surat,

Kisi sham mein jo so jaon,

To sapno main chaly aana,

Mujhey ehsas dila jana,

SUNO NARAZ MAT HONA,

Kabhi aisa jo ho jaey,

Jinhe kehna zaroori ho,

Wo mujh se lafz kho jaen,

Anaa ko beech mat lana,

Meri awaz ban jana,

KABHI NARAZ MAT HONA !!!!!

Farrah Zafar · #14 Sunday, January 09, 2011

mein shaa'ir hun meri jamaaleen nigah mein,
zara bhi nahi ferq zarray mein maah mein,
jahan aik tinka sa hai meri rah mein,

mein seenay mein daaghon k deepak jalaye,
mein ashkon k taaron ka barbat uthaye,
khayalon mein naghmon ki duniya basaye,

rah e zeest per be'khatar ja raha hun,
kahan ja raha hun ' kidher ja raha hun,
nahi janta hun ' mger ja raha hun.

ye dunya ye be'rabt si aik zanjeer,
ye dunya ye ik naa'mukammal si tasveer,
ye dunya nahi meray khawbon ki taabeer,

mein jab sochta hun k insaan ka anjaam,
hai matti k ik ghar ki aaghosh aaram,
tou seenay mein uthta hai ik dard e be'naam,

mein jab dekhta hun k ye bazm e faani,
gham e jaavdaani ki hai ik kahani,
tou cheekh uthti hai meri baaghi javaani,

ye mehlon,ye takhton,ye taajon ki dunya,
gunaahon mein lathrray rawaajon ki dunya,
muhabbat k dushman samajon ki dunya,

mger haye zaalim zamanay ki rasmen,
hain karrwahten jin ki amrat k rass mein,
nahi meray bass mein,nahi meray bass mein,

joonhi chahti hai meri rooh madhosh,
k laaye zara lab pe faryaad pur josh,
ajal aa k kehti hai KHAMOSH KHAMOSH

Majeed Amjad

Farrah Zafar · #15 Saturday, January 15, 2011

Nahin nigaah mein manzil to justaju hi sahi
Nahin visaal mayassar to aarazuu hi sahi

Na tan me.n Khuun faraaham na ashk aa.Nkho.n me.n
Namaaz-e-shauq to vaajib hai be-vazuu hii sahii

Kisi tarah to jame bazm maikade vaalo
Nahin jo baadaa-o-saaGar to haa-o-huu hi sahi

gar intazaar kathin hai to jab talak ai dil
Kisi ke vaada-e-fardaa ki guftaguu hi sahi

dayaar-e-Gair me.n maharam agar nahin koi
to 'Faiz' zikr-e-vatan apane ruu-ba-ruu hi sahi

Farrah Zafar · #16 Sunday, January 16, 2011

pagal ankhoon wali larki
itnay mehngay khawab na dekho
thak jao gi
kanch se nazuk tumhare khawab
toot gaye tu pachtaoo gi
tum kia janoo!!!
khawab...safar ki dhoop ke taishay
khawab...adhori raat ka dozakh
khawab...khayaloon ka pashtawa
khawaboon ka hasil tanhai
mehngay khawab kharidna hoon tu
ankhein baichna parti hain
rishtay bholan parte hain
andeshoon ki rait na phanko
khawab ki oat sarab na dekho
payas na dekho
itnay mehngay khawab na dekho
thak jao gi!!!

Mohsin Naqvi

Farrah Zafar · #17 Monday, January 17, 2011

Kabhi Shikaston Ke Dukh Uthaye To Us se Puchhun,
Wo Meri Manind Toot Jaye To Us se Puchhun,

Use Bhi Koi Sitara Manzil Se Door Kar De,
Use Bhi Rasta Nazar Na Aaye To Usse Puchhun,

Safar Mein Wo Bhi Kisi Kade Imtehaan Se Guzre,
Use Bhi Yun Kio Aazmaye To Usse Puchhun,

Use Mohabbat Mein Kaunsa Dukh Diya Hai Maine,
Kabhi Nazar Se Nazar Milaye To Usse Puchhun,

Meri Tarah Din Chadhe Tak Wo Bhi Soye,
Use Bhi Shab Bhar Na Neend Aaye To Us se Puchhun.

Farrah Zafar · #18 Thursday, January 20, 2011

اپنی تنہائی سے وحشت نہیں ھوتی مجھ کو
کیا عجب شے ھوں محبت نہیں ھوتی مجھ کو

اب کوئی بات نئی بات نہیں میرے لیے
اب کسی بات پہ حیرت نہیں ھوتی مجھ کو

یاد آتی نہیں بیتی ھوئی باتیں دل کو
یاد کر نے کی ضرورت نہیں ھوتی مجھ کو

دل کے جزبات سے اب کوئی تعلق ھی نہیں
حد تو یہ ھو گئی کہ نفرت نہیں ھوتی مجھ کو

سخت پہرہ میرے اندر ھی لگا رہتا ھے
سوچنے کی بھی اجازت نھی ھوتی مجھ کو

خواہش و وصل کہاں ، عشق کہاں ، باتیں کہاں
سانس لینے کی بھی فرصت نہیں ھوتی مجھ کو

اب سلگتا نہیں یادوں میں وہ مٹی کا دیا
تم سے ملنے کی بھی حسرت نہیں ھوتی مجھ کو

Farrah Zafar · #19 Sunday, January 23, 2011

Zindagi band kuwaan

bulbalay ehsaas

jazbaat k kankaron se

ubhertay,phailtay,bhartay,

toot'tay waheen sama jatay

kis ne ander jhanka?

by Noor us Sabah

Farrah Zafar · #20 Tuesday, January 25, 2011

Chalo phir shart lag jaye
Main sabit aj ker dun ge k tum ne dil lagi ki hai
Mohabbat naam ki hai…
Sun ker us ki baton ko mein bola sada dil lerki
...Ager mein dil lagi kerta
To jeenay se na yun darta
Muhabbat naam ki kerta
To wafayein aam c kerta
Mager phir b anna teri
Teri berukhi ki khatir ye kehta hun
Haan meine dil lagi ki the
Tujhe apna hi samjha tha
Tujhe dil se lagaya tha
Jahan na koi gham puhnchay
Wahan tujhe ko chupaya tha
Mager jaan yekeen jano
Tumhary hoslay ki mein daaad deta hun
K kitni berukhi se tum ne keh dala

CHALO PHIR SHART LAG JAYE K MEINE DIL LAGI KI HAI