Ajab dukh hai hamara bhi

humen aasaaeshen sari muyasir hain

magar aasaaishon se in bhari

almaariyun kay sab darwaazun main

kisi ki aik nishaani tak nahi rakhi

koi chehra nahi rakha

andheray main chhuppay in aasmaano par

koi taara nahi rakha

ksi kay laut aanay ka

koi raasta nahi rakha

ghubaar-e-jaan he urta hai

badan ki sar zameeno main

nishaat angaiz lamhon ka

fasaana tak nahi milta

kabhi yunhi.........

kisi khaamosh zeenay par kharay ho kar

kisi ko yad karnay ka

bahaana tak nahi milta

hamari khawab gaahon ka ajab dukh hai

kay neenden tou dar aati hain

magar aankhen....

kisi ka khawab bun-nay se qasir hain

hawa chalti tou hai lekin

kisi naa-deeda lamhay ko

kabhi chhuu kar nahi aai

utarti hai woh shaam zard see

jungle kay peron par

magar us yaad ka saaya

bari muddat se is dil par nahi utra.....

koi baadal nahi barsa........

AJAB DUKH HAI HAMARA BHI.........

hamen apni rawani main

kahin behnay nahi deta.....

zaruri hai jisay kehna

wohi kehne nahi deta.........

AJAB DUKH HAI HAMARA BHI.........................

(MAQSOOD WAFA)