Mein Pal do Pal ka shayir hun..Pal do pal meri Kahani hai:)

Farrah Zafar · #1 Friday, June 03, 2011

My poetic fellows here I'm going to share my own poetry.Wazan ki zamanat mein nahi deti

.bas likh leti hun jab "aamad" hoti hai

After doing Css,I will pay heed to my poetic work,Islah karva k shayed Book b print karwaun gi

..ager ap khareednay ka waada karen

ap mein se b koi ager apni intehai Zaati

shayiri share kerna chahay tou ye thread hazir hai.

NOTE:All rights are reserved.If you want to share my any piece of poetry,share it with my name

werna Allah poochay

sach ko jhoot banaye kon,
youn nazron se giraye kon,

ham he hanstay hain dukh pe,
werna rotay mein muskaye kon,

waqt e zaroorat khuli haqeeqat,
hain apne kon , paraye kon,

parwanay mehv e intezar e jaa'n gusal,
sar e shaam shama jalaye kon?

Saaqi ne tishna labi ker di muqaddar,
is mehfil mein maey pilaye kon,

tum he ne hawa di thi jazbaat ko,
ye ishq ki aag hai bujhaye kon,

Insaaf ki baaten tou kertay hain sab,
Farrah!pehlay zanjeer hilaye kon?

Eager · #2 Saturday, June 04, 2011

thanks farah, group me apni poetry share krtay hue i was having the feeling kay sirf 2,3 log hi hmaray is "besh baha" talent se aashna ho pa rahay hain

baaqi forum members ko tou pata hi nahi kay yahan kesay kesay ahl-e-qalam mojoud hain

touseef-o-tanqeed ka haq behar haal sb ko hasil hai

Sarshari:

Mann ki gehri khamoshi,
Duniya kay shore me mil jae..
Dil ka saara san’nata
Ab pehan le ghungroo pairon main,
Moaj hawa ki aisi aye
Khol de zulfain naari ki,
Bheegain pair, anchal or tan mann
Rooh ki thakan utar jae…
Geeli rait me aks hawa ka,
Manzil paer nishaan banain,
Qatrah qatrah, zarrah zarrah,
Saath safar main hojae..

Farrah Zafar · #3 Saturday, June 04, 2011

@Eager bohat khoob

.meray lye b bajati rehna

Umeed kerti hun;

Taaliyon ka ye silsala youn he bar'qarar rahay ga,
"Mike" is mushaiyray mein sharamsaar rahay ga

Faiz sahab ki zameen mein meri ye ghazal;

chahaar soo meray mayoosiyon ka andhera hai,
kia aisi shab ka bhi koi saweraa hai?

dosti ki aarr mein dushmani ka khail,
doston ne kis harbay se mujhe ghaira hai,

pur'shikan chadar,gard aalood kitaben,adh bujha sigaar,
lagta hai yahan kisi aashiq ka basaira hai,

us lehjay mein halaawat,thi jis mein kabhi karrwahat,
dekho!daulat ne kesa chakkar phaira hai,

hizn o malaal hai teray chehray pe FARRAH kyon,
ye muhabbat ka rog na tera hai na mera hai...!!

J.Zaib · #4 Saturday, June 04, 2011

Quote:

Originally Posted by Farrah Zafar

[SIZE="4"][FONT="Comic Sans MS"]My poetic fellows here I'm going to share my own poetry.Wazan ki zamanat mein nahi deti

.bas likh leti hun jab "aamad" hoti hai
After doing Css,I will pay heed to my poetic work,Islah karva k shayed Book b print karwaun gi

..ager ap khareednay ka waada karen

ap mein se b koi ager apni intehai Zaati shayiri share kerna chahay tou ye thread hazir hai.

NOTE:All rights are reserved.If you want to share my any piece of poetry,share it with my name

werna Allah poochay

Your attempt is not so bad..

Infact, it was good...

I am also ready to buy your book...
Keep trying & sharing...

Quote:

Originally Posted by Eager

thanks farah, group me apni poetry share krtay hue i was having the feeling kay sirf 2,3 log hi hmaray is "besh baha" talent se aashna ho pa rahay hain

baaqi forum members ko tou pata hi nahi kay yahan kesay kesay ahl-e-qalam mojoud hain

touseef-o-tanqeed ka haq behar haal sb ko hasil hai

Shuker hai keh mujhay yahan ahl-e-qalam logon ka pata chal gaya,,

waisay poetry of both is good,,,, You must continue....

Mahvish Shahid · #5 Sunday, June 05, 2011

Wah Wah Wah..

Farruuuuuu.. Meriii Jaaan.. Pora Pakistan

Yahan to Aap ne Apni Takhliqat Bakheir ker Saf'ha Gul-o-Gulzaar kr Daala hai.

Achi Kavish hai.. Jarri Rakhye, Tasalsul k sath !

Allah aap ke zoor-e-Qalm main Izafa farmaye Aap ki Socho'n ko Wusat de Ameen !

P.S

Maine Apni Nahein Share Krni

.. I hate it Jab ko Copy Kr le !!

Main Apna Raha Saha Hemoglobin Jalana nhe Chahti

Farrah Zafar · #6 Sunday, June 05, 2011

@ Mahvish ik aadh Ghazal ho jaye,chori kernay walon ko Allah Poochay ga.

meri aazad nazm..

wo meri muhabbat thi,
mein zaroorat tha us ki,
mein kehta tha muhabbat zaroori hoti hai,
wo kehti thi zaroorat majboori hoti hai,
mein nadaa'n..!!
zaroorat aur muhabbat ka khail na samjha,
aaj,
mujhe chorr k wo chal di,
ye kehtay hue k Jaan'an..!
tum meri zaroorat thay,
aur tum kia jano?
Zaroorten badal bhi jati hain...!!!!

Fading Glimpse · #7 Monday, June 06, 2011

umeed-e-mohabat doon k jeenay ka sila doon
yun ishq ki rahon me naye phool khila doon...

jo chup hoon tou hoon sabar ki dewaar ki manind
cheekh uthoon tou me tery, dar-o-baam hila doon

gar aag banoon phoonk doon hr chez ko yakdam
jo phool banoon, khushboo hi khushboo me phaila doon

jazbay mery gr aatish-e-namrood jla dy.....
me apni BRAHEEM(a.s) sy nisbat hi mita doon

samjhay ya na samjhay koi me phir bhi wafa hoon
jab chahy, jisay chahy, jahan chahy mila doon...

by JiaShah

Farrah Zafar · #8 Monday, June 06, 2011

zindagi se hamen payar nahi raha,
dunya mein kisi ka aitbar nahi raha,

kabhi muhabbat he aurrna bichona thi,
ab nafrat pe bhi akhtayar nahi raha,

Lo mein chali zakhm zakhm rooh liye,
mujh ko Maseeha ka intezar nahi raha,

alfaaz ki taaseer hoti hai bohat,
aayinaay k roo'baru bhi izhaar nahi raha,

jeenay ki khawahish nahi,marnay ka hosla nahi,
itna tou dil FARRAH laa'chaar nahi raha

Mao Zedong · #9 Tuesday, June 07, 2011

Your poetry is not bad, keep up the good work. I wish you could take the place of Parveen Shakir as you have a few things in common with her like CSS, M.A. English literature and last but not the least – inclination towards Urdu Poetry.

Mahvish Shahid · #10 Tuesday, June 07, 2011

Quote:

Originally Posted by Farrah Zafar

[SIZE="4"]@ Mahvish ik aadh Ghazal ho jaye,chori kernay walon ko Allah Poochay ga.

Mujhe to ati Nhe