انقلاب وقت
 

[b][center][size="4"][color="darkslateblue"]انقلاب وقت

ایک یہ بھی انقلابِ وقت کی تصویر ہے
رہزنی، غارتگری، بیداد کی تشہیر ہے
عاقبت ہے سر برہنہ آبرو نخچیر ہے
نعرہء حق و صداقت لائقِ تعزیر ہے
ایک یہ بھی انقلابِ وقت کی تصویر ہے
ایک شب اجڑا کسی بابا کی بیٹی کا سُہاگ
اُڑ گئی پھولوں کی خوشبو ڈس گئے کلیوں کو ناگ
ظُلمتوں میں سو رہے ہیں چاندنی راتوں کے بھاگ
آدمیّت اِن دنوں اِک لاشہء تقدیر ہے
ایک یہ بھی انقلابِ وقت کی تصویر ہے
ایک بیچارے نے دم توڑا شفا گھر کے قریب
برق کے جھٹکے سے ٹھنڈا ہو گیا اِک بد نصیب
لاریوں کی ٹکّروں سے مر گئے کتنے غریب
آج ہر مظلوم کی آواز بے تاثیر ہے
ایک یہ بھی انقلابِ وقت کی تصویر ہے

ساغر صدیقی [/color][/size][/center][/b][size="5"][/size]