Mohsin Naqvi
 

[B][COLOR="Blue"][SIZE="2"]Ham se mat poochh raastay ghar kay
Ham musafir hein zindagi bhar kay

Kaun sooraj ki aankhh se din bhar
Zakhm ginta hay shab ki chadar kay

Sulah kar li yeh soch kar mein ne
Meray dushman na thay barabar kay

Khud se khaimay jala diay mein ne
Hoslay dekhna thay lashkar kay

Yeh sitaray yeh toot-tay moti
Aks hein meray deeda-e-tar kay

Chand b zard par gaya aakhir
Ujray angan mein roshni kar kay

Gar Janoo-n maslihat na apnaey
Saray rishtay hein phhir to pathar kay

Aankhh nam b karo to bas itni
Rang phheekay parein na manzar kay !![/SIZE][/COLOR]



[/B]