Daur e hayat aaye ga qatil qaza ke baad

[alphabravo]

Maulana taaruf k muhtaj nahin, unkee is ghazal ka ek sher jo taqreeban her momin ko zaban zad hai zarabul masl bun chuka hai....mukammal ghazal pesh hai

wassalam

محمد علی جوہر
غزل

دور حیات آے گا قاتل قضا کے بعد
ہے ابتداء ہماری تری انتہا کے بعد

جینا وہ کیا کہ دل میں نہ ہو تری آرزو
باقی ہے موت ہی دل بے مدعا کے بعد

تجھ سے مقابلےکی کسے تاب ہے ولے
میرا لہو بھی خوب ہے تیری حنا کے بعد

اک شہر آرزو پہ بھی ہونا پڑا خجل
ہل من مزید کہتی ہے رحمت دعا کے بعد

لذت ہنوز مائدہ عشق میں نہیں
آتا ہے لطف جرم تمنا سزا کے بعد

قتل حسینؑ اصل میں مرگ یزید ہے
اسلام زندہ ہوتا ہے ہر کربلا کے بعد

غیروں پہ لطف ہم سے الگ حیف ہے اگر
یہ بے حجابیاں بھی ہوں عذر حیا کے بعد

ممکن ہے نالہ جبر سے رک بھی سکے مگر
ہم پر تو ہے وفا کا تقاضہ جفا کے بعد

ہے کس کے بل پہ حضرت جوہر یہ رو کشی
ڈھونڈھیں گے آپ کس کا سہاراخدا کے بعد