sochatey aur jaagatey saansoon kaa ik daryaa hoon main
 

[B]sochatey aur jaagatey saansoon kaa ik daryaa hoon main
apaney gum_gashtaa kinaaron key liye bahataa hoon main

jal gayaa saaraa badan en mausamon kii aag mai
ek mausam rooh kaa hai jis main ab zindaa hoon main

merey honThoon kaa tabassum dey gayaa dhokhaa tujhey
tu ney mujh ko baaG jaanaa dekh ley seharaa hoon main

dekhiye merii paziraa_ii ko ab aataa hai kaun
lamhaa bhar ko waqt kii dahleez par aayaa hoon main
[/B]