...... to baat mushkil thi
 

[B]Junoon sawar na hota to baat mushkil thi [/B][B]
Bohat ghubar na hota to baat mushkil thi

Raza say tehray hein apni tumharay koochay mein
Yanhan qarar na hota to baat mushkil thii

Rukay howay hein k badlo gay faislay ek din
Yeh intizar na hota to baat mushkil thi

Yeh dil rafeeq hay apna taweel arsay say
Yeh ghum gasar na hota to baat mushkil thi

Khata hoi thi magar us nay mazrat karlii
Wo sharamsar na hota to baat mushkil thi

Hum aehlay dil to humesha wafa nibhatay hein
Yeh karobar na hota to baat mushkil thi

Humaray samnay rahta hay wo har ek lamha
Kabhi kabhar na hota to baat mushkil thi

Ajab dil hay badan pay nazar rakhta hay
Yeh pehray dar na hota to baat mushkil thi

Aab aesay chor k jana ajeeb lagta hay
Wo sogawar na hota to baat mushkil thi

Dilon say phoot he parti hein cahatien
Yeh atibar na hota to baat mushkil thi[/B]