|
Share Thread: Facebook Twitter Google+ |
|
LinkBack | Thread Tools | Search this Thread |
#1
|
||||
|
||||
Muhabbat diary hargiz nahee hai
Muhabbat diary hargiz nahee hai
Jis mein tum likho Ke kal kis rang ke kapre pehan'ne hain Koun si khushboo lagaani hai Kissay kya baat kehni, aur kya baat chupaani hai Kahaan kis paiR ke saye talay milna hai? Milkar poochna hai Kya tumhein mujh se muhabbat hai Yeh farsooda sa jumla hai Magar phir bhi yeh jumla Dareechoon, Aanganoon, Sarkoon, Gali kochoon mein, Chaubaroon mein Chaubaroon ki tooti seerhiyon main Har jaga koi kisi se keh raha hai Kya tumhein mujh se muhabbat hai Muhabbat diary hargiz nahee hai Jis mein tum likho Tumhein kis wakt, kis jagha, kis se milna hai, kis ko chor jaana hai Kahaan per kis tarha ki guftugoo karni hai ya khamoosh rehna hai Kis ke saath kitni door tak jaaana hai aur phir kab lout aana hai Kahaan aankhein milaana hai kahaan palkein jhukaana hain Ya yeh likho ke ab ki baar jab woh milne ayega Tu us ka haath apne haath mein lekar Dhanak chehray pe roshan jagmagati raqs karti uski aankhoon mein uttar jeyenge Aur phir gulshan-o-sehra ke beecho beech dil ki saltanat mein khaak uraayenge Bohut mumkin hai woh ujlat mein aaye Aur tum us ka haath haathoon mein na le paoo Na aankhoon hi mein jhaankoo, aur na dil ki saltanat ko fatah kar paoo Jahaaan per guftugoo karni hai, tum khamoosh hojao Jahaan khamosh rehna hai, wahaan tum bolte jaoo Naee kapre pehan kar ghar se niklo, mailay hojao Koi khushboo lagane ka iraada ho, tu sheeshi haath se gir jaye Tum weeran hojao Safar karne se pehle, be sarr-o-samaan hojao Muhabbat diary hargiz nahee hai, aab joo hai Jo diloon ke darmeyaan behti hai, khushboo hai Kabhi palkoo pe lehraee, Tu aankhein hansne lagti hain Jo aankhon mein uttar jaye tu Manzar aur pas manzar mein Shamaein jalne lagti hain Kisi bhi rang ko choo lo Wohi dil ko gawaara hai Kisi mitti mein ghul jaye Wohi mitti sitaara hai Muhabbat diary hargiz nahee hai. |
|
|
Similar Threads | ||||
Thread | Thread Starter | Forum | Replies | Last Post |
Is dil ne tere baad muhabbat bhi nahee ki | Wounded Healer | Urdu Poetry | 0 | Monday, August 06, 2007 04:28 AM |
Hai Ishq Magar Itna Ziada Bhee Nahee Hai | Last Island | Urdu Poetry | 0 | Monday, April 16, 2007 04:06 AM |
Muhabbat!!! | 111 | General Knowledge, Quizzes, IQ Tests | 1 | Tuesday, March 14, 2006 01:18 AM |