Likho Tu Kia Likho (my Own..needs Comments)
 

Likho Tu Kia Likho
Kaghaz Kay Khali Warq Paray Hai Samnay
Sochtha Hoon Ab Kay Baar Kuch Naya Likho
Par Likho Tu Kia Likho

Zindagai Ki Zulf-e-parayshaan Likho?
Ya Hasratoo Ki Sham-e-ghareebaan Likho?
Hujoom-e- Ghum-e-duraan Likhoo?
Ya Gin Gin Kay Sitam Dil-e-janaa Likhoo?

Likho Tu Kia Likho

Hikayat-e Dard-e-ghalib Likho?
Ya Madah Main Faiz Kay Qata Likho?
Inshaa Ki Ishq Ki Roodad Likhoo?
Ya Takmeel-e- Hub-e-jalib Likhoo?

Likho Tu Kia Likho

Rukh-e-yaar Pay Shabnum Kay Qatray Likhoo?
Ya Guzray Hoyay Ayam Kay Silsilay Likhoo?
Isi Kash Makash Takta Hoo Khali Kaghaz Ko
Phir Kuyoon Na Ye Chand Bay Rabt Say Fikray Likhoo

Likho Tu Akhir Kia Likho