Zara sa muskaraoo na
 

zara sa muskuraoo na
ghamoon ki faseel hai
wo is qader taweel hai
ghazab to hai yeh ek nahin
faseel der faseel hai
tum is ki har mandair per
arzooon kay tail say
charagh e dil jalao na
zara sa muskuraoo na

wo phir say yaad aa gia
jo rooth ker chala gia
ussay khiyal bhi nahin
kisi ka dil dukha gia
ab us ki methee yaad main
shaboon ko jag jag ker
ye ratjagay mannaoo na
zara sa muskuraoo na

ye gham hammasha aain gay
ye dil yun hi jala'ain gay
magar khushi kay aatay hi
ye gham bhi bhool jain gay
malool ho kay gham say tum
zara palkoon pe yoon hi
sittaray jhilmilao na
ye ansoo pee bhi jaoo na
zara sa muskaraoo na