......................غزل
......................غزل
میڈیں ہنجوں دی چهل تیڈا زوال بنڑ ونجے تاں ول
تیڈا اے ظلم کل تیڈی مثال بنڑ ونجے تاں ول
میڈی اے بےکسی صباحیں سوال بنڑونجے تاں ول
لبیں تے آ کرائیں جیکراے گال بنڑ ونجے تاں ول
جیرهی توں نفرتیں دی سوچ.پئیں سچیندا.سوچ گهن
تیڈی اے سوچ دشمنیں دی ڈهال بنڑونجے تاں ول
نہ کهل کہیں غریب دے پهٹیے هوئے لباس تے
تیڈا وی حال اوں جهیاں بےحال بنڑ ونجے تاں ول
توں جیندا حال سنڑکرائیں غصےتوں لال تهی ویندیں
خیال کر اوہو تیڈا خیال بنڑ ونجے ......تاں ول
توں چندر تے جوپینگه پئیں بدهیندا اپڑیں پیار دی
اے پینگه کل تیڈے کیتے وبال بنڑونجے تاں ول
جمشیدناشاد.
|