ہے تم سے دین کی توقیر ثانیِ زہرا
سید اقبال رضوی شارب
بہ حضور بی بی ثانی زہرا
salwatullah aliha
حسینی عزم کی تصویر ثانیِ زہرا
ہے تم سے دین کی توقیر ثانیِ زہرا
ہے کون محسنِ اسلام بعدِ عاشورہ
بجز حسین کی ہمشیر ثانیِ زہرا
نہ روئی جو کبھی خود اپنے دل کے ٹکڑوں پر
وہی ہے زینبِ دلگیر ثانیِ زہرا
شریک کار امامت نہیں فقط زینب
حیاتِ دیں کو ہیں اکسیر ثانیِ زہرا
تڑپ کے رہ گیا مسند نشینِ ظلم و نفاق
سنی جو آپ کی تقریر ثانیِ زہرا
برہنہ سر پھری اسواق شام و کوفہ مگر
بچایا نارۂ تکبیر ثانیِ زہرا
تڑپ رہا ہے زیارت کو شام کی شارب
گراں ہے اس پہ یہ تاخیر ثانیِ زہرا
|