Ab ae mere Ahsaas e junoon kya mujhe Dena
Darya usey bakshna hai tho sehra Mujhe Dena
Tum apna makaan jab karo takseem to yaaro
Girti huwi dewaar ka saaya mujhe dena
Jab waqt ki murjhaai huwi shaakh sambhaalo
Es shaakh se toota huwa lamha mujhe dena
Tum mera badan orh ke phirte Raho lekin
Mumkin ho tho ek din mera chehra mujhe dena
Choo jaaye hawa jisey tho khushboo teri AAye !!
Jaate huwe Ek ZAkhm to aisa mujhe dena
Shab bhar ki Musaafat hai gawahi ki Talabgaar !!
Ae shab e safar apna sitaara mujhe dena
Ik dard ka mela kya laga hai Dil o Jaan mein
Ik rooh ki Awaaz ka Rasta mujhe dena
Woh mujh se kaheen barh ke museebath mein tha MOHSIN
Reh Reh ke magar us ka Dilaasa mujhe Dena