dekhlo khwaab magar khwaab kaa charchaa na karo
loag jal-jaayenge sooraj kee tamannaa na karo

waqt kaa kia hai kisee pal bhi badal saktaa hai
hosakay tumsay to tum mujh pe bharosaa na karo

kirchiyaan' tootay huay akss kee chubh jaayengi
aur kuch roze abhi aaiyeenaa dekhaa na karo

ajnabi lagnay lagay khud tumhein apnaa hee wujood
apnay din raat ko itnaa bhi akelaa na karo

Khwaab bachchon' kay khilaunon' kee tarah hotay hain
Khwaab dekhaa na karo Khwaab dikhaayaa na karo

baykhayaali mein kabhi ungliyaan' jal-jaayengi
raakh guzray huay lamho kee kuredaa na karo

mome kay rishte hain garmee say pighal jaayengay
dhoop kay shehr mein "THE 1" yeh tamaashaa na karo


=========== been quite a while since i posted here... thought i should open up my diary once again...


Regards,

THE 1