aaye kuchh abr kuchh sharaab aaye
us ke baad aaye jo azaab aaye
baam-e-miinaa se maahataab utare
dast-e-saaqii mein aaftaab aaye
har rag-e-Khuun mein phir charaaGaa'N ho
saamane phir wo benaqaab aaye
umr ke har waraq pe dil ko nazar
terii meher-o-wafaa ke baab aaye
kar rahaa thaa Gam-e-jaha'N kaa hisaab
aaj tum yaad behisaab aaye
na gaii tere Gam kii saradaarii
dil mein yun roz inqalaab aaye
jal uThe bazm-e-Gair ke dar-o-baam
jab bhii ham Khaanama'N_Kharaab aaye
is tarah apanii Khamashii guu.Njii
goyaa har simt se jawaab aaye
'Faiz' thii raah sar basar manzil
ham jahan pahounchay kaamayaab aaye
__________________
'I can Think, I can wait, I can fast.'
Last edited by Andrew Dufresne; Sunday, January 02, 2011 at 03:58 PM.
|